Çmimi i ulët, kultivuesit nuk e shesin duhanin! Banorët e Cërnilishtes ankohen se as mundi nuk po u paguhet

Sa duhet të jetë çmimi ideal për shitjen e këtij duhani?

“Po ky duhet mbi 200 denarë, e ka klasën e parë ky, por tani këtë po e marrin për të dytën klasë”, tha Ismailaki Aliu.

Kështu sot ishin pikat blerëse të duhanit në fshatin Cërnilishte të Prilepit.

Kultivuesit e duhanit nuk janë të kënaqur me çmimin që po u blihet malli.

Ka sa po e marrin kilogramin?

“100 denarë, as tek 100 denarëshi nuk mbërrin”.

Shumë banorë për shkak të çmimit të ulët, janë detyruar që mos ta shesin duhanin por ta mbajnë në shtëpi.

“Me një shtypje psikike, prej politikës blerëse të duhanit, kështu themi për shkak një fakti, sot psh erdhën këtu prapa neve ora 10:30. Vitet e kaluara në këtë fazë deri për vitin e ri ishte gati 90% duhani i shitur”, u shpreh Rexhep Ibrahimi.

Në fshatin Cërnilishte mbi 90% e banorëve merren me duhan.

Ndryshe para disa ditëve Kryetari i Lidhjes së shoqatave të duhanxhinjve, ishte takuar me kryeministrin Zaev dhe ministrin kompetent Arjanit Hoxha.

Nga shoqata e duhanxhinjve theksuan se përmirësimi nuk është në nivelin e duhur, sipas pritshmërisë dhe kërkesave të kultivuesve të duhanit.

E nga ana tjetër ministri i bujqësisë tha se është optimist se trendi i rritjes së çmimit blerës, edhe pse me ritëm të ngadaltë, po shkon drejt rritjes.