Konkursi i këngës Eurovision po zhvillohet këtë vit në Itali, ku veçohet pjesëmarrja e Ukrainës e cila është në luftë me Rusinë.
Finalja do të mbahet këtë të shtunë dhe do të transmetohet drejtpërdrejt në mbarë botën nga PalaOlumpic Arena në qytetin e Torinos.
Por, cilat do jenë pesë më të preferuarit e Eurovision-it këtë vit? Personat që kanë vendosur baste për fituesin e këtij viti kanë zgjedhur këto shtete:
Ukrainë: Orkestra Kalush – Stefania
Në një kompeticion kaq shumë të politizuar si Eurovision-i, nuk është befasi që hyrja e Ukrainës do të dilte si e preferuara, me një probabilitet të madh 8/13.
Kënga e Ukrainës është një odë për dashurinë e nënës nga grupi folk-rap Kalush Orchestra, i quajtur Stefania.
Anëtarët e Orkestrës Kalush kanë thënë se duan të “ngrejnë shpirtrat” me këngën e tyre, veçanërisht pasi anëtarët e grupit, duke përfshirë balerinin Vlad Kurochka dolën vullnetarë për të qëndruar në Ukrainë dhe për të luftuar.
Mbretëri e Bashkuar: Sam Ryder – Njeriu i Hapësirës
Mbretëria e Bashkuar është akuzuar se rrallë e ka marrë seriozisht konkursin gjatë dekadave të fundit, e cila këtë vit duket se i ka kthyer gjërat mbrapsht me yllin jashtëzakonisht të popullarizuar të mediave sociale, Sam Ryder, me shanset për të fituar në 8/1.
Suedi: Cornelia Jakobs – Hold Me Closer
Suedia është një fuqi e Eurovision-it me gjashtë fitore gjatë dekadave dhe me pesë rezultatet më të mira në këtë kompeticion në shekullin e 21-të.
Pra, a mund të fitojë Suedia sërish këtë vit? Ajo ka një mundësi të mirë për të fituar edhe një herë vendin e parë, e renditur si me shanset e treta më të mira.
Përfaqësuesja e vendit është Cornelia Jakobs, me baladën e saj, elektro-pop ndarjeje Hold Me Closer.
Itali: Mahmood dhe Blanco – Brividi
Mahmood është një veteran i Eurovision-it deri më tani, pasi përfundoi si nënkampion në 2019 me hitin e tij të muzikës pop arabe, Soldi.
Këtë vit, këngëtari do të ndajë skenën e Eurovizion-it me një këngë ku tingulli hapësinor trip-hop i baladës dhe përshkrimi i sinqertë lirik i dobësisë së dashurisë e kanë bërë atë një zgjedhje popullore dhe një pretendent për vendin e parë.
Spanjë: Chanel – SloMo
Chanel e Spanjës është shfaqur si një nga më të preferuarit e këtij edicioni të Eurovision-it.
Hiti i saj reggaeton SloMo është padyshim ndër më të dëgjuarit dhe të preferuarit. Kënga është pritur veçanërisht mirë në rrjetet sociale, ku fansat shprehin mbështetjen e tyre duke përdorur emoji-n mango.
Duke pasur parasysh performancën e dobët të Spanjës vitin e kaluar, e cila u rendit e treta nga fundi, fansat po bëjnë gjithçka për të ndryshuar renditjen e saj për ta kaluar si kënga më e preferuar dhe fituese.