Cilat janë përparësitë që i ofrojnë Shoqëritë financiare?

TË FUNDIT

Qytetarët po i ndryshojnë shprehitë e tyre dhe mënyrën e pagesës. Sigurimi i kredive në shuma më të vogla, shmangja e procedurave të komplikuara bankare dhe radhët e gjata para sporteleve janë arsyeja për shkak së cilës qytetarët në vend që në banka, shërbime financiare kërkojnë në Shoqëritë financiare. Ish guvernatori i Bankës Popullore, Lube Trpeski, në analizën e tij për emisionin “21 minuta”, thotë se Shoqëritë financiare në vend janë në ekspansion.

“Disa vite pas sjelljes së Ligjit për shoqëritë financiare, deri në vitin 2013, pothuajse të gjithë, përveç dy kursimoreve, u transformuan në shoqëri financiare. Pse e bënë këtë? E bënë që të shmangin kontrollet rigoroze nga ana e Bankës Qendrore”, deklaroi Lube Trpeski, ish-guvernator i Bankës Popullore.

Që të mbrohet klienti, Shoqëritë financiare patjetër duhej të respektojnë Kodeksin e sjelljes. Për fat të keq, thotë Trpeski, një pjesë e tyre, edhe pse janë pak në numër, i shkelin rregullativat ligjore.

“Vendosin disa klauzola të fshehta në marrëveshjet që klienti i thjesht i atij krediti as nuk mund t’i sheh, e as nuk i shpjegohen qartë dhe më pas ai përballet me pasoja. Këtu nuk duhet kontrolluesi, që në këtë rast është Ministria e Financave, të pres që ju gazetarët të theksoni këto pasoja, por duhet ata në mënyrë preventive të veprojnë edhe me masa rigoroze ta parandalojnë fenomenin e tillë”, deklaroi Lube Trpeski, ish-guvernator i Bankës Popullore.

Trpeski thotë se shoqëritë e tilla krijojnë konkurrencë jolojale dhe e cenojnë ekzistencën e shoqërive tjera financiare. Që të pastrohet terreni nga konkurrenca jolojale, ish guvernatori këshillon se nevojitet kontroll i nivelit të lartë që do të jetë i pavarur nga politika. Theksoi shembullin e Bankës Popullore, që e shpjegon në 21 minuta, , se ka qenë nën presion dhe përpjekje për intervenimin e pushtetit ekzekutiv deri te sjellja e Ligjeve. Banka popullore tani ekziston për shkak se mbron ligji, theksoi Trpeski. Përmes kredive që i plasojnë mes qytetarëve, Shoqëritë financiare e ripërtërijnë ekonominë dhe kanë perspektivë të madhe, tha Trpeski në “21 Minuta”.