Për 20 vite askush nuk e korrigjoi testkstin kontravers në librin shkollor të gjerografisë, në të cilin fyen shqiptarët. Libri u botua në vitit 2009, por është miratuar nga Ministria e Arsimit që në vitin 2002. Pas kësaj me vite me MASH kanë drejtuar ministra shqiptar. Edhe tani në këtë dikaster, zëvendësministri është shqiptar. Çfarë ka bërë Arafat Shabani që ky problem të zgjidhet!? Ai thotë se bashkë me ministren Carovska kanë formuar komision.
“Si gjitha çështjet tjera në arsim unë nga pozicioni i zv/ministrit bashkërisht me ministren prej fillimi jemi në këtë procedurë dhe bashkërisht në suaza të ligjit dhe procedurave nënligjore e formuam komisionin. Komisioni ka filluar me punë, shpresoj që shumë shpejt të dale me rekomandime që ministrja të marrë vendime. Unë si zv/ministër që prej fillimi jam i kyçur direkt në këtë proces”, deklaroi Arafat Shabani – zëvendësministër i Arsimit dhe Shkencës.
Për problemin me librin e Gjeografisë, zv/kryeministri Artan Grubi, javë më parë zhvilloi takim me ministren Milla Carovska dhe ish-ministrin e arsimit, Arbër Ademi. Ata nëpërmjet një shkrimi thanë se janë dakorduar që të korrigjohen parregullsitë.
“U dakorduam që në përputhje me Ligjin për librat shkollor për arsim fillor dhe të mesëm të shqyrtohen dhe korrigjohen parregullsitë dhe padrejtësitë në të gjitha tekstet shkollore duke nisur menjëherë nga libri i gjeografisë për vitin e dytë të shkollës së mesme”, potencoi Artan Grubi – zëvendëskryeministër i parë.
Por pse në këtë takim i pranishëm nuk ishte Arafat Shabani, por ish ministri i arsimit Arbër Ademi!?
“Ministrja qëndrimet e Ministrisë në nivel më të lartë i ka koordinuar punët me zv/kryeministrin. Pyetjen që ma bëtë, pse deputeti aktual ishte aty, duhet t’i drejtoheni deputetit se në çfarë cilësie ishte aty”, shtoi zëvendësministri i Arsimit dhe Shkencës, Arafat Shabani.
Komisioni që është formuar për revidimin e tekstit të Gjeografisë do të bëj revizion, recension dhe pastaj japin rekomandimet e veta mbi zgjidhjen e këtij problem dhe në bazë të tyre, më pas ministrja Carovska do të merr vendim.