Gjykimi për organizatorët e ngjarjeve në Kuvend më 27 prill të vitit 2017 vazhdon më 11 shkurt, pasi në seancën e sotme janë dëgjuar disa dëshmitarë të mbrojtjes.
Shumica e dëshmitarëve, në dëshminë e tyre thanë se Aleksandar Vasilevski Ninxha nuk ka qenë në selinë e VMRO-DPMNE-së më 27 prill të vitit 2017.
Ata dëshmuan për atmosferën në stabin e VMRO-DPMNE-së, ku sipas tyre ka pasur lëvizje të madhe dhe mbi 150 njerëz. Në katin e tetë, ka pasur numër të madh të deputetëve, funksionarë dhe anëtarë të këshillit qendror dhe ekzekutiv, si dhe anëtarë të rëndomtë të partisë. Të gjithë kanë dashur të kuptojnë se çka ka ndodhur dhe secili ka biseduar me secilin.
Dëshmitari Emill Dimitriev, i cili në vitin 2017 ka qenë kryeministër teknik, tha se ka pasur fjalim, me të cilin i ka dënuar ngjarjet, me të cilën në planin ndërkombëtar është dërguar fotografi e keqe për shtetin, ndërsa VMRO-DPMNE-ja ka humbur më së shumti.
“Kjo vijoi pas mbledhjes së partive popullore në Maltë, kur mora përkrahje të madhe, e pas 27 prillit, më ajo përkrahje nuk ekzistonte në ato përmasa. Në planin e brendshëm u bë polarizim i madh i shoqërisë dhe në përgjithësi vlerësoj se kjo ngjarje ka hedhur një njollë të zezë në funksionimin e shtetit”, tha Dimitriev.
Ai tha se më 27 prill nuk ka pasur komunikim me Spiro Ristovskin, Mile Janakieskin dhe Trajko Veljanovskin.
Sekretari i atëhershëm i përgjithshëm i Qeverisë, Kiril Bozhinovski tha se nuk ka pasur takim me personat Igor Durllovskin, Boris Damovski, Vllado Jovanovski dhe Bogdan Ilievski për financimin e lëvizjes “Për Maqedoni të përbashkët”, duke shtuar se disa prej tyre as që i njeh.
“Nuk kam pasur takim me këta persona, as komunikim”, tha Bozhinovski.
Ai në ditën kritike ka qenë në Qeveri, ku ka mbetur deri në orët e vona të pasdites, pas çka ka shkuar në Shtabin qendror të VMRO-DPMNE-së.
I pyetur nëse i ka parë personat Aleksandar Vasilevski Ningja ose Mitko Çavkov, ai tha jo.
Dëshmitari Ivo Kotevski, i cili në vitin 2017 ka qenë drejtor i Qendrës për komunikime në VMRO-DPMNE dhe i ka koordinuar komunikimet brenda dhe jashtë partisë, tha se partia nuk ka pasur vendim për përkrahje të protestave të lëvizjes “Për Maqedoni të përbashkët”, por i kanë ndjekur dhe i kanë informuar.
Kotevski tha se më 27 prill të vitit 2017 diku pas orës 19 në zyren e tij në katin e dytë, kanë qenë Spiro Ristovski dhe Mile Janakieski, por se rreth orës 20 ka shkuar në katin e tetë të partisë, ku, siç i kujtohet, i ka parë Zoran Stavreksin. Vllado Peshevskin, Nikolla Todorovin, Vanço Kostadinovskin dhe shumë deputetë, funksionarë dhe anëtarë të bordit qendror dhe ekzekutiv”, si dhe anëtarë të rëndomtë.
“Ndiqej mbulimi medial i ngjarjes dhe të gjithë dëshironin të kuptojnë se çka saktë po ndodh aty”, tha Kotevski.
Dëshmitari Lluke Galevski, i cili në vitin 2017 ka qenë sekretar shtetëror në zyren e Qeverisë, tha se protestat për Maqedoninë e përbashkët kanë qenë qytetare dhe personalisht nuk ka marrë pjesë në asnjë prej tyre, edhe pse personalisht është pajtuar me numrin e madh të kërkesave të tyre.
Më 27 prill të vitit 2017 pasdite ka qenë një katin e dytë të shtabit të VMRO-DPMNE-së. Aty kanë qenë edhe Ivo Kotevski dhe Spiro Ristovski.
Tha se nuk e njeh Aleksandar Vasilevski Ninxha dhe se nuk ka qenë në parti./MIA