“Burokracia e komplikuar, pengesë për të aplikuar”! Ndihmë për kompanitë që kanë investuar gjatë pandemisë

48 kompani që kanë investuar në kohë pandemie do të marrin ndihmë qeveritare. Shumica prej tyre janë kompani të vogla të cilat në të ardhmen mund të hapin 498 vende të reja të punës. Ligji për mbështetje financiare jep mundësi të barabartë për të gjitha kompanitë, theksoi zv/kryeministri Fatmir Bytyqi. Para pak kohe kryetari i organizatës së punëdhënësve shprehu dyshim se një numër të madh prej kompanive nuk mund të marrin ndihmë për shkak të procedurave burokratike.

 “Kompania ime investoi tani në kohë të Koronës, por pagesën e parë për avancë e bëri para se të publikohet konkursi. Shpejtë bisedova me ministrin e ekonomisë. Nuk mund të konkurroj për shkak se së pari duhet të bëhet plani, të miratohet plani nga Ministria, e atëherë të blihen makinat”, theksoi Angel Dimitrov – Kryetar i Organizatës së Punëdhënësve.

Më vjen keq nëse kompanitë ballafaqohen me probleme të tilla, tha Bytyqi. Ai bëri thirrje që të gjithë ata që mendojnë se ua kanë shkurtuar të drejtat, të drejtohen në kabinetin e tij.

 “Ne kemi thënë nga dita e parë se luftojmë për shpërbërjen e çfarëdo lloji të fenomeneve që donë të thonë shkurtimin e disa të drejtave të caktuara atyre që duhet tu ndihmojmë”, theksoi Fatmir Bytyqi – Zëvendëskryeministër për Çështje Ekonomike.

Pyetjes së gazetarëve nëse ka nevojë që rrogat e këshilltarëve në Qeveri të jenë goxha të larta dhe nëse një pjesë e këtyre parave mund të riorientohen për qëllime të tjera ekonomike, Bytyqi u përgjigj.

 “Lartësia e pagave dhe numri i Këshilltarëve në këtë moment që janë të emëruar është i patjetërsueshëm për funksionimin e Zyrës së Kryeministrit si dhe për funksionimin e Zyrave të ministrave të tjerë, duke përfshirë edhe kabinetin tim. Këtë duhet ta shohim nga aspekti racional apo irracional”, deklaroi zëvendëskryeministri për Çështje Ekonomike, Fatmir Bytyqi.

Në të ardhmen me shumë gjasa do të nevojiten edhe pakoja e pestë dhe e gjashtë e masave me qëllim të tejkalimit të kovid krizës tha Bytyqi duke shtuar se pakoja e katër do të ndihmojë për zbutjen e goditjes së parë nga pandemia, ruajtjen e vendeve të punës dhe ruajtjen e likuiditetit të kompanive.