“Europa nuk do të jetë e plotë pa vendet e Ballkanit si pjesë e familjes” – porositi eurokomisari për politikë të jashtme, Zhozep Borrell në tribunën kushtuar zgjerimit të BE-së, në organizim të diplomacisë austriake. Sipas Borrellit, asnjë shtet europian nuk mund t’i tejkalojë e vetme sfidat aktuale botërore.
“Zgjerimi ka histori të suksesshme dhe sa i përket zgjerimit, do të vazhdojë të jetë tregim i suksesshëm. Problemi është që shumë e gjatë ishte zvarritja dhe tani patjetër të përshpejtojmë”, tha Borrell.
Shefi i diplomacisë, Bujar Osmani, theksoi se ky grup i miqve të Ballkanit Perëndimor patjetër të rritet me vende të drejtpërdrejta të vendeve fqinje nga rajoni për shkak se, siç tha, bllokadat për europerspektivën vijnë pikërisht për to. Osmani theksoi se është e çuditshme që një vend-anëtar mund të vendos veto për hapjen e kapitujve negociuese të vendeve kandidate dhe nevojitet që në të ardhmen për këtë të vendoset me shumicë, e jo siç ishte deri më tani – në mënyrë unanime.
“Për vetë anëtarësimin mund të mbetet unanimiteti, për shkak se edhe i jep besim BE-së, por hapja e kapitujve dhe arritja e standardeve, duhet të jetë në pyetje kualifikimi i shumicës”, deklaroi Osamni.
Ministri i Shqipërisë për punë të jashtme, Igli Hasani, pret që zgjerimi të jetë prioritet i kryesimit të ardhshëm të Unionit, që nga një korriku do ta marrë Hungaria. Sipas Hasanit, çështjet dypalëshe patjetër të zgjidhen veçmas nga procesi i zgjerimit.
“Nuk kemi kohë për të humbur dhe shpresoj se për disa muaj do të kemi mundësi që ta mbajmë Konferencën e dytë ndërqeveritare”, theksoi hasani.
Nikoqiri, shefi i diplomacisë austriake, Aleksandër Shallenberg, theksoi se vendi i tij do të vazhdojë të jetë mbështetësi më i madh i rajonit dhe theksoi se BE-ja për momentin nuk mund të fokusohet vetëm në rrugën eurointegruese të Ukrainës dhe Moldavisë.