Bojaxhiev: Pse Maqedonia nuk e padit Bullgarinë?

Sundimi i së drejtës mund të përmirësohet përmes Asociacionit Ekonomik Evropian, ndërsa përfitimi i parë për qytetarët do të jetë kalimi më i lehtë nëpër kufij, thotë profesori Marjan Bojaxhiev nga Kolegji Amerikan në Shkup, në emisionin “10 minuta”.

“E dyta, është absolutisht zonë e tregtisë së lirë, unioni doganor që është union pa dogana brenda në rajon, së treti është marrëdhënie partnere – atë që ne tani nuk e kemi. D.m.th. AEE ka marrëdhënie partnere me BE shumë çështje së bashku i targetojnë dhe vendosin së bashku dhe e katërta dhe më e rëndësishmja është sundimi i së drejtës – shohim që është problemi më i madh”, tha Bojaxhiev.

Profesori Bojaxhiev thotë se deri në vitin 2035, në rastin më të mirë, katër ekonomi do të hyjnë në BE-në, por shtoi se Maqedonia është mësuar me veto shumëvjeçare, gjë që sipas tij është problem serioz.

“Parashihet që deri në vitin 2035, në rastin më të mirë, katër ekonomi do të hyjnë në BE-në, ato katër ekonomi është e qartë se janë Serbia dhe Mali i Zi të cilat tashmë janë duke negociuar, dhe eventualisht ne dhe Shqipëria”, shtoi ai.

Për veton e Bullgarisë, profesori pyet se pse vendi ynë nuk e padit vendin i cili nuk e respekton Marrëveshjen e nënshkruar për Fqinjësi të Mirë.

“Ne jemi mësuar me veto shumëvjeçare dhe ky është problem serioz dhe një situatë të pahijshme e cila në mënyrë dramatike e ulë kredibilitetin e BE-së para se gjithash”, vlerëson më tej Bojaxhiev.

Sa i përket iniciativës për “Mini Shengenin” ai mendon se e njëjta paraqet mundësi për hapin e parë drejt integrimit më të gjerë të gjashtë vendeve të Ballkanit Perëndimor.