Bogdanoviq pret përgjigje prej Boçvarskit, ministri e demanton për elaboratin për suspendim

Nuk guxohet që të vihet deri tek nënshkrimi i lejes për ndërtim, edhe nëse investitorët e ndërtimeve përballë Qendrës Tregtare të Qytetit i kanë paguar obligimet komunale, tha mbrëmë në ClickPlus, këshilltarja e Komunës Qendër, Jana Bellçeva-Andreevska, duke theksuar se koha tashmë është e shkurtër, vetëm 2 javë.

“Për momentin kemi shumë pak kohë, kemi vetëm 2 javë sepse Kryetarit për 2 javë i kalon koha për të firmosur vendimin ose t’i kthejë paratë”, tha Jana Bellçeva Andreevska – Këshilltare në Komunën Qendër.

Kryetari i Qendrës, Sasha Bogdanoviq, pohon se kthimi i parave nuk është kontestuese dhe se nuk është vonë për të ndërhyrë. Komuna ka vepruar me moratorium për moszbatim të planit, por me shfuqizimin e të njëjtit nga Gjykata Kushtetuese, na është marrë fuqia, u shpreh Bogdanoviq, duke shtuar se zgjidhje tani mund të pritet nga Ministria për Transport dhe Lidhje.

TV21: Nuk më thatë çfarë mase konkrete do të ndërmerrni ju…?

Sasha Bogdanoviq: Ja i jemi drejtuar Ministrisë për Transport dhe Lidhje, kemi ngritur deri tek Antikorrupsioni…

TV21: Çfarë mund të bëjë Transporti dhe Lidhja?

Sasha Bogdanoviq: “Momentalisht mund të na përgjigjet në lidhje me suspendimin…

TV21: A është dërguar elaborati për suspendim të atij plani?

Sasha Bogdanoviq: “Është dërguar, ja janë dhënë të gjitha planet…”.

Nga kabineti i Ministrit për Transport dhe Lidhje, Bllagoja Boçvarski, përgënjeshtrojnë.

 “Deri në këtë moment deri në Ministrinë për Transport dhe Lidhje nuk është dorëzuar elaborat për suspendim nga ana e Komunës Qendër”, u shpreh Bllagoja Boçvarski – Ministër për Transport dhe Lidhje.

E derisa pritet ndonjë mekanizëm për të ndërhyrë, qytetarët, konkretisht banorët që jetojnë afër vendit ku parashihet të ndërtohet, kanë nisur peticion e cila do t’i drejtohet Presidentit, kryeministrit, ministrit për Transport dhe Lidhje, kryetarit të Shkupit dhe atij të Komunës Qendër.

“Ne kërkojmë të revidohet çdo plan për ndërtim të kompleksi afarist që do të përmbajë shpërngulje të njerëzve për rezidencë në këtë pozitë, duke argumentuar se nuk ka asnjë ndryshim në trafik”, u shpreh Vlladimir Radevski – nismëtar i peticionit.

Nga ana tjetër, sot nga Instituti për studime komunikimi, njoftuan se një grup organizatash qytetare, profesorësh universitarë dhe arkitektë kanë nisur deri tek kryeministri Zoran Zaev thirrje publike për mbështetje të suspendimit të Komunës Qendër në lidhje me ndërtimin.