Nëse SHA “EMV” e mban prodhimin e planifikuar të energjisë elektrike, nuk besoj se pas 31 dhjetorit do të ketë nevojë për rritje të çmimit të energjisë elektrike në tregun e rregulluar, deklaroi kryetari i Komisionit Rregullator për Energjetikë dhe Shërbime të Ujit (KRRE) vlerësoi sot Marko Bislimoski.
“Deri më 31 dhjetor çmimi i energjisë elektrike që “EMV” ia shet “EVN Home” është 48 euro për megavat orë”, tha Bislimoski në pyetjen e gazetarëve në konferencën e sotme për media në KRRE.
Ai ka theksuar se KRRE do të bëjë analiza serioze para se të marrë ndonjë vendim për çmimin e energjisë elektrike.
Personalisht, siç tha ai, është kundër shkollave fillore dhe të mesme, ndërmarrjeve komunale dhe kompanive që Qeveria do të konsiderojë se duhet të ndihmohen që të kthehen në tregun e rregulluar.
“Konsideroj se ata absolutisht duhet të ndihmohen, por duhet ta bëjë EMV-ja përmes kompanisë së saj EMV Shitje, e cila ka licencë për furnizim me energji elektrike dhe t’u ofrojë çmime të njëjta ose më të larta se ato në tregun e rregulluar. Kështu ata do të ndihmohen në një mënyrë shumë më të thjeshtë. Nëse, nga ana tjetër, ata kthehen në tregun e rregulluar, EMV do të duhet t’i shesë energjinë EVN Home me një çmim prej 48 euro për megavat orë, dhe në atë rast do të bëhet presion shtesë në çmimin e energjisë elektrike për amvisëritë për rritjen e kostos së marzhës”, tha Bislimoski.
Në këtë mënyrë, thekson ai, marzha do të rritet nga pesë deri në shtatë milionë euro.