Në emisionin Clik Plus, kryetari i Lëvizjes Besa Bilall Kasami ndër të tjera foli edhe për legalizimin e marihuanës ku u shpreh kundër, por duke e lënë të hapur mundësinë e debatit.
Bilall Kasami: “Për të sqaruar, jam kundër legalizimit të kanabisit, jam që lojërat e fatit nëse nuk eliminohen tërësisht që të jenë të gjithë online dhe të merret modeli i Shqipërisë dhe çështja e shtëpive publike as që e diskutojmë fare”.
Po nesër nëse do ti kujtohet kryeministrit?
Bilall Kasami: “Duhet t’i mendojë numrat”.
Kasami foli edhe për takimin me kryetarin e VMRO-DPMNE-së në korrik të vitit të kaluar. Ai tha se Mickoskit i ka dhënë një shans për të ndryshuar, por ai nuk bëri asgjë.
“I pari kam qenë unë që i dhash një mundësi liderit të opozitës maqedonase dhe e takova në mes të Shkupit, shumë afër nga këtu ku jemi në studio dhe ia dhash një mundësi që të reflektojë dhe të ndryshojë nga politikat e mëhershme të VMRO-së por fatkeqësisht nuk kam parë ndonjë ndryshim esencial karshi çështjeve esenciale që kanë të bëjnë me ndërtimin e shtetit”, theksoi Bilall Kasami – Kryetar i Lëvizjes Besa.
Kryetari i Lëvizjes Besa foli për bashkëpunimin e opozitës maqedonase me atë shqiptare duke vlerësuar se flitet për një bashkëpunim joparimor dhe me shumë pikëpyetje të hapura.