Në Qendrën Kulturore Informative të Republikës së Maqedonisë së Veriut në Sofje sot do të mbahet koncert i Besiana Mehmedit- mezosoprane dhe pianisteve Alba Muçolli Dehiri dhe Pranvera Hoxha.
Aktivitetin e këtillë ditë më parë në rrjetet sociale e bëri të ditur vetë këngëtarja Mehmedi.
“Muzika dhe skena na bën bashkë shpeshherë- dikur shoqe gjenerate dhe sot kolege të universiteteve të ndryshme! Me Alba Muçolli Dehirin dhe Pranvera Hoxhën, koncerte në Bullgari më 28 dhe 29 qershor 2021 (Sofje dhe Çirpan)”, ka shkruar Mehmedi në Fejsbuk duke falënderuar për mbështetjen Ministrinë e Kulturës së Republikës së Kosovës, sekretarin në Ministrinë e Kulturës së Maqedonisë së Veriut, Valmir Aziri dhe dirigjentin Kristo Kristov që kanë bërë të mundur realizimin në institucionet përkatëse.
Koncerti është me fillim në orën 18:30 në QKI-në e Republikës së Maqedonisë së Veriut në Sofje.