Sondazhi: Marrëveshja e Ohrit e bëri Maqedoninë e veriut një vend më të mirë, por ka ende punë për të bërë

Anketa kombëtare tregon pranim dhe mbështetje të fortë për Marrëveshjen e Ohrit, vlerësojnë nga Bashkimi Demokratik për Integrim.

Siç thonë më tej nga partia, 71 përqind e maqedonasve dhe 59 përqind e shqiptarëve besojnë se marrëveshja e Ohrit ka përmirësuar jetën e shqiptarëve në Maqedoninë e Veriut, tregon një sondazh kombëtar i Institutit për Kërkime Politike Shkup në emër të Ministrisë për Sistemin Politik, të kryer me telefon në javën e fundit të korrikut dhe javën e parë të gushtit me gjithsej 1620 të anketuar.

“Anketa tregon se 20 vjet pas nënshkrimit qytetarët ende e pranojnë
Marrëveshjen e Ohrit ende si bazën e një jete paqësore, të barabartë dhe
më të mirë në vendin tonë.  Dhe kjo tregon se veçanërisht jeta e
shqiptarëve në Maqedoninë e Veriut është përmirësuar dhe ne kemi arritur barazi në shumë fusha”, njofton zëvendëskryeministri i parë dhe ministri për sistemin politik, Artan Grubi.

Nga BDI-ja shtojnë se, Maqedonia e Veriut është bërë një vend më i mirë si rezultat i Marrëveshjes së Ohrit – 69 përqind e shqiptarëve pajtohen me këtë deklaratë dhe po ashtu 67 përqind e maqedonasve që votojnë për LSDM, ndërsa 86 përqind e maqedonasve etnikë që votojnë për VMRO nuk pajtohen.

Në kumtesën e partisë gjithashtu thuhet:

“Kur bëhet fjalë për pyetjen se cila parti mund të mbrojë më së miri të drejtat e shqiptarëve dhe komuniteteve të tjera, publiku ka një opinion të qartë: Në mesin e shqiptarëve 47 përqind thonë se është BDI, ndërsa 31 përqind thonë se është Alianca dhe Alternativa,  8 përqind i besojnë BESA -s.  LSDM merr vetëm 1 pikë përqindje në këtë pyetje, VMRO zero. Edhe më i qartë është ndryshimi kur pyesni maqedonasit: Përsëri 47 përqind deklarojnë se BDI është mbrojtësi më i mirë i të drejtave të shqiptarëve, i ndjekur nga LSDM me 27 dhe BESA me 8 përqind, ndërsa Aleanca dhe Alternativa kanë vetëm 5. Kur bëhet fjalë për zgjidhjen ligjore të çështjeve gjyqësore, 23 përqind e shqiptarëve e quajnë këtë si çështjen më të rëndësishme për t’u kujdesur.  33 përqind e maqedonasve e shohin këtë çështje si çështjen më urgjente për t’u zgjidhur. Midis shqiptarëve një çështje del në pah: 33 përqind e shqiptarëve kërkojnë investime të barabarta në rajonet dhe lagjet shqiptare”.