BDI në Çair për të hedhur një lopatë çimento! Ahmeti: Jemi bashkë, nuk ka asgjë të keqe brenda nesh

I gjithë kuadri i BDI-së duke filluar nga ministrat, drejtorët e deputetët erdhën sot në stadiumin e Klubit të futbollit Shkupi për të hedh një lopatë me çimento për gurthemelin e ndërtesës administrative pranë fushës sportive.

Ahmeti erdhi në shoqërimin të Artan Grubit. (atmosferë)

E me vonesë u paraqitën Izet Mexhiti dhe Bujar Osmani. U rreshtuan me radhë për të hedhur lopatë.

Grubi qëndronte anash por bashkëpartiakët e bindën që edhe ai të hedh një lopatë me çimento.

Integristët po qëndronin të ndarë në grupe. E për këtë u pyet lideri i BDI-së Ali Ahmeti, nëse ka përçarje brenda BDI-së.

 “Po mirë qenkan tre grupe. Të forta janë të tre grupet. Janë mirë të gjithë, a ishim bashkë të gjithë në Çair? A jemi bashkë edhe këtu në festë. Asgjë të keqe nuk ka në këtë drejtim”, deklaroi Ali Ahmteti – Kryetar i BDI-së.

Ndryshe para disa ditëve dolën zëra se deputeti Izet Mexhiti do të nisë interpelancë në kuvend ndaj ministrave Bujar Osmani dhe Artan Grubi. Në pyetjen e TV21, Mexhiti as nuk i pohoi e as nuk i mohoi këto zëra, duke thënë se do të pret që të kaloj 100 ditëshi i Qeverisë së re.