Presidenti amerikan Donald Tramp refuzon t’i japë qasje presidentit të sapozgjedhur Xho Bajden deri te raportet e inteligjencës, madje edhe ato që i ka marrë gjatë fushatës, derisa numër gjithnjë e më i madh i bashkëpunëtorëve i bëjnë thirrje t’i lejojë qasje deri te informatat e besueshme.
Senatori i Teksasit Xhon Kornin, anëtar i Komitetit për zbulim të Senatit, pohoi se nuk ka arsyetim të mos i lejohet qasje Bajdenit te raportet e inteligjencës.
Senatori i Ajovës, Çarls Grasli dhe kryetarja e Bordit gjyqësor të Senatit, Lindzi Gream, njëra nga bashkëpunëtoret më të afërta të Trampit, konsiderojnë se Bajdenit duhet t’i mundësohet qasje te informatat e besueshme.
Senatori nga Misuri, Xhosh Houli konsideron se Bajden duhet t’i vazhdojë t’i pranojë raportet që i merr si kandidat në zgjedhjet presidenciale.
Senatori Xhejms Lankford tha se të dy palët duhet të kenë qasje te informatat sepse ende nuk dihet se kush do të bëhet president i SHBA-së dhe se procesi duhet të vazhdojë për shkak të sigurisë nacionale.
Republikanët në Senat konsiderojnë se Bajden duhet t’i marë informatat e besueshme për sigurinë nacionale, edhe pse ato nuk e pranojnë fitoren e kandidatit demokratik në zgjedhjet e mëparshme presidenciale, duke i’u referuar citimeve të Trampit për grabitje të votave.
Drejtori i shërbimit nacional amerikan të inteligjencës, Xhon Ratklif, bashkëpunëtor lojal i Trampit, pohoi se nuk mund të fillojë biseda me ekipin e Bajdenit derisa qeveria nuk e fillon periudhën kalimtare. Megjithatë, Administrata e Trampit e anulon atë punë.
Ratklif thotë se Shërbimi nacional, i cili mbikqyrë mbi dhjetëra shërbime të inteligjencës së SHBA-së, duhet ta respektojë procedurën e cila parashikon së pari të shpallet fitues i zgjedhjeve, që Tramp e vë në nën pikpyetje.
Shërbimet e inteligjencës amerikane nga viti 1952 u mundësojnë kandidatëve amerikan qasje te raportet, përveç operacioneve të fshehta, burimeve dhe metodave.