Njerëzit më të moshuar se 65 vjet me probleme shëndetësore mund ta marrin vaksinën e “AstraZeneka”, kumtoi Ministria franceze e Shëndetësisë, edhe pse paraprakisht është pohuar se vaksina nuk është e rekomanduar për personat më të moshuar se 65 vjet.
Paraprakisht mediat e publikuan deklaratën e presidentit të Francës, Emanuel Makron se vaksina e AstraZeneka është “kuazi-efikase” për personat më të moshuar se 65 vjet, ndërsa njëkohësisht në Britani të Madhe, vaksinimi i qytetarëve nga të gjitha grupmoshat me këtë vaksinë ishte lejuar nga vetë fillimi.
Ministrja e Shëndetësisë të Francës Olivia Veran potencoi se vetëm personat më të moshuar se 75 vjet do të vaksinohen me prodhimet e Fajzer dhe Moderna në të ardhmen.