Asnjë aktivitet te QT “Mavrovasja”, edhe dy ditë që pronari ta rrënojë vetë objektin

TË FUNDIT

Sot janë bërë 8 ditë që kur pronari i objektit ilegal është njoftuar se duhet ta rrëzojë ndërtimin te qendra tregtare “Mavrovasja”.

Edhe pse kaq ishte edhe afati i paraparë nga Komuna e Çairit, kjo nuk do të thotë se ai ka skaduar, sepse bëhet fjalë për 8 ditë pune sqarojnë nga inspektorati i Komunës së Çairit.

Kjo nënkupton se pronarit të ndërtimit ilegal te “Mavrovasja” i kanë mbetur edhe dy ditë që të njoftohet se duhet ta rrënojë objektin, pasi ai është ilegal.

Nëse pronari nuk e rrënon vetë objektin, atëherë opsion tjetër është Komuna e Çairit ta rrënojë atë. Por komuna nuk ka kompani që të bëjë këtë dhe për këtë më 27 korrik e hapi tenderin. Afati i fundit për dorëzimin e ofertave është 5 gushti.

Pas kësaj rrjedh afati i ankesave dhe komuna objektin do të mund ta rrënojë fill pas 45 ditësh nga hapja e konkursit. Por nga Komuna e Çairit janë shprehur të bindur se objekti do të rrënohet nga vetë pronari.

Mbetet të shihet se nëse pronari do ta rrënojë vetë objektin apo këtë do të duhet ta bëjë komuna pas 5 javësh pasi ta zgjedh kompaninë për rrënim. Tenderi është hapur edhe për nevoja tjera të komunës dhe vlen për 1 vit. Se objekti duhet të rrënohet kishte vlerësuar Inspektorati Shtetëror ngaqë objekti nuk ka leje për ndërtim.

TË NGJAJSHME