ASH-AAA bllokon ligjet me amendamente! Zejdi: Nëse duan të bisedojnë, ata e dinë ku e kemi zyrën

Pasi VMRO dhe LSDM e bllokuan propozim ligji i tyre për shtetësi, ASH-AAA po ua kthen me të njëjtën monedhë.  Opozita shqiptare filloi bllokimin e propozim-ligjeve në Kuvend.  Ata sot dorëzuan rreth 2000 amandamente për propozim-ligjin për kundërvajtje.

 “Ne konsiderojmë që e vetmja armë politike e jona demokratike si koalicion është që të bëjmë reciprocitet në këtë drejtim dhe në çdo ligj në të cilin kemi qasje, pa asnjë dallim, ne do të bëjmë bllokadë deri sa të vijë një marrëveshje e përbashkët që të tërhiqen amendamentet për ligjin për shtetësi dhe të ulemi të bisedojmë çdo amendament veç e veç. Këtë reciprocitet nuk do ta ndalim, pavarësisht se sa mund te jetë një propozim-ligj me rendësi të veçantë”, tha Skender Rexhepi nga koalicioni ASH-AAA.

Nga VMRO-DPMNE nuk heqin dorë nga amendamentet. Ata thonë se kjo është bërë që të përmirësohet ligji i propozuar për shtetësi.

 “Ka çështje të cilat me dorëzimin e amendamenteve bëhet që të bllokohet sjellja e ndonjë ligji të dëmshëm, ndonjëherë është se duhet të përmirësohet teksti i ligjit. Nga ajo që është veç më e thënë nuk ka diçka tjetër që të shtojë”, potencoi Igor Janushev nga VMRO-DPMNE.

LSDM, ligjin për shtetësi e sheh si të keq dhe jashtë Konventës evropiane për marrje të shtetësisë, për këtë arsye dhe nuk do ta votojnë. Por, Jovan Mitreski, nga LSDM-së tha se sjellja e tillë e ASH-AAA, është bllokim i punës së Kuvendit dhe duhet të gjendet zgjedhje për të dal nga kjo situatë.

 “Sjellja e opozitës shqiptare është kontradiktore dhe mendoj se një gjë e tillë nuk është parë deri më tani në punën e Kuvendit. Behët fjalë për bllokimin të Ligjit për shtetësi, ligj të cilin e ka bllokuar opozita maqedonase. Pra, ata të cilët prezantohen si koalicion, ata të cilët paralajmërojnë shumicë të re, tash i bllokojnë ligje njëri-tjetrit, por në fund të fundit është bllokuar puna e Kuvendit”, theksoi Jovan Mitreski nga LSDM.

Rexhepi tha se do të vazhdojnë këtë reciprocitet deri sa të tërhiqen amendamentet e dorëzuara për ligjin.

 “Sa i përket bllokimit tonë, tash ata duhet të kërkojnë nëse kanë interes që ndonjë propozim-ligj  të kalojë. Ne nuk kemi nevojë të kontaktojmë askënd, ne vazhdojmë punën tonë demokratike që kemi. 03.20 Nëse kanë nevojë të ulen të bisedojnë do të na gjejnë, ata e dinë ku e kemi zyrën”, shtoi Skender Rexhepi nga koalicioni ASH-AAA.

Opozita shqiptare thotë se në çdo komision kuvendor ku ka anëtarë të opozitës shqiptare do të përgatiten amendamente të panumërta për çdo propozim/ligj që i njëjti të bllokohet.