Rajan Arapi – drejtori i Urbanizmit në Pejë, Ramë Melaj – drejtori i Urbanizmit në Deçan, Jashar Blakaj – drejtori i Urbanizmit në Istog, janë të arrestuarit e tjerë nga aksioni që po zhvillojnë njësiti i krimeve ekonomike në rajonin e Pejës.
KALLXO.com raportoi para disa minutash se është arrestuar Lorenc Marleku, drejtori i Urbanizmit në Komunën e Klinës.
Numri i zyrtarëve të arrestuar ka shkuar në 10.
Prokuroria e Pejës është duke zhvilluar një aksion të gjerë në tri komuna, në Pejë, Istog dhe Klinë.
Ky aksion siç ka njoftuar Prokuroria ka të bëjë me gjetjen e provave për dyshimet rreth keqpërdorimit të detyrës zyrtare dhe se ka të bëjë me ndërtime pa leje.
Në këtë aksion njoftohet janë të angazhuar pesë prokurorë dhe vet kryeprokurori i Pejës, Agim Kurmehaj, në koordinim me Njësitin e Krimeve Ekonomike dhe Korrupsionit në Prishtinë.
LEXO EDHE:
– Kosovë, Prokuroria thotë se bastisjet kanë të bëjnë me ndërtimet e paligjshme
– Kosovë, Prokuroria kryen bastisje në tri komuna