Apanazh apo vend në administratë, ish-funksionarët edhe më tej “thithin” nga shteti

Edhe kryeministri Zaev konfirmoi se apanazhi është aktual çdoherë pas zgjedhjeve parlamentare te ish-funksionarët dhe deputetët, duke shtuar se kjo është e drejtë e tyre ligjore.

“Edhe nëse tani miratohet ndryshim i Ligjit për apanazh, kjo do të mund të vlejë nga tani e tutje. Nuk mund të vlejë në mënyrë retroaktive dhe gjithsesi parlamenti mendon për këtë, kjo është punë e parlamentit”, deklaroi kryeministri Zoran Zaev.

Kryeministri me mendim personal në lidhje me atë se a duhet tu shfuqizohet e drejta për apanazh ish-funksionarëve dhe deputetëve pas skadimit të mandatit.

“Një gjë e di, pjesa më e madhe e ish përmbajtjes parlamentare do të ketë ofertë nga unë si Kryeministër i shtetit që të punësohen në institucionet publike, nuk flas vetëm për poste drejtorësh, flas për poste që d.m.th. shfrytëzim i përvojës së tyre dhe kapacitetit, që të hyjnë në vetë institucionet, të vazhdojnë të krijojnë dhe formojnë për shtetin e tyre për shkak të asaj se kanë kryer funksione të larta në shtet dhe është e rrugës që ata persona që kanë profile dhe ekspertizë edhe më tej të jenë në funksion të shtetit”, u shpreh Zoran Zaev, kryeministër i Maqedonisë së Veriut.

Zaev pohoi se në muajt e ardhshëm që janë vendimtar për sjelljen e vendimeve, më shumë se 50-60% e apanazheve nuk do të shfrytëzohen për shkak të, siç tha, angazhimit të ardhshëm të ish funksionarëve në institucionet shtetërore.