Tre anijet në lumin Vardar përfundimisht do të “lëvizin”.
Nuk do të lundrojnë, por do të hiqen krejtësisht nga lumi Vardar.
Nga qyteti i Shkupit thonë se janë përmbushur të gjitha kushtet për fillimin e procedurës për heqjen e anijes së parë, e cila gjendet afër hotelit Holiday Inn.
Edhe pse këto ndërtime qytetarëve u kushtuan miliona euro në projektin e Shkupit 2014 shumica e qytetarëve që pyetem janë kundër heqjes së anijeve dhe se ju pëlqen pamja.
“Kurrsesi absolutisht kurrsesi, unë kënaqem patjetër të jenë këtu, kryesisht gjatë kohës së verës kënaqemi të qëndrojmë me një gotë verë është kënaqësi.
Unë jetoj këtu afër, po nëse do të pyetem unë anijet nuk duhet të largohen”, tha një qytetare.
“Po.
Pse?
“Sepse nuk ka rrjedhë sa duhet lumi Vardar, urat janë shumë afër njëra tjetrës ajo është pengesë e lumit Vardar, edhe anijet edhe drunjtë një vërshim më i madh, shkoi Shkupi”, shtoi një tjetër qytetar..
“Jo bre pse duhet të hiqen. Mendoj se duhet të qëndrojnë”, theksoi një tjetër qytetar.
Nga Qyteti i Shkupit i thanë TV21 se presin që gjatë javës së ardhshme të përcaktohet dinamika për të njëjtën gjë dhe brenda 40 deri në 60 ditë të largohen.
“Zbatimi i këtyre vendimeve u shty për shkak të procedurave gjyqësore dhe padive të pronarëve të anijeve për vendimin e Qytetit të Shkupit për zgjidhjen e kontratave. Aktualisht, kushtet për fillimin e procedurës për heqjen e anijes në Holiday Inn janë përmbushur plotësisht. Ne presim që gjatë javës së ardhshme të përcaktohet dinamika për të njëjtën gjë dhe brenda 40 deri në 60 ditë do të jetë e njëjta. Procedurat gjyqësore për galerinë tek MEPSO nuk kanë përfunduar ende”, thonë nga Qyteti i Shkupit.
Petre Shilegov para se të bëhet kryetar i Qytet të Shkupit kishte deklaruar se do t’i largojë, megjithatë tre anijet ende qëndrojnë aty. Sipas të parit të Shkupit gjërat janë shtyrë për shkak të procedurave gjyqësore, gjegjësisht se pronarët kanë ngritur padi kundër vendimit të Qytetit për të ndërprerë kontratat.
Me heqjen e këtyre anijeve kryetari i qytetit të Shkupit pretendon se do të përmirësohet rrjedha e ujit të lumit Vardar.