Amnistohen shkelësit e masave Covid! Ata që paguan dënimin nuk mund t’i kërkojnë paratë mbrapsht

Presidenti Stevo Pendarovski nënshkroi dekretin e Ligjit për amnisti për personat të cilat janë dënuar gjatë periudhës së pandemisë me Covid-19. Ndryshimet e bëra në ligjin për amnisti lirojnë nga burgu personat që kanë shkelur orën policore dhe që nuk kanë respektuar masën e izolimit ose karantinën. Në kumtesën e kabinetit presidencial theksohet se nevoja për aministim dhe rregullimin e kësaj situate e ka imponuar numri i madh i lëndëve të tilla në gjykatën Penale-Shkup.

“Nevojën për rregullimin e kësaj situate e imponon numri i madh i lëndëve të tilla në Gjykatën Themelore Penale Shkup. Për tejkalimin e kësaj situate për këtë kategori të të dënuarve për vepra penale nga neni 205 dhe neni 206 i Kodit Penal, gjobë në para, ose zëvendësimin e gjobës në para me burgim, sipas përcaktimeve të këtij ligji, masa alternative do të zëvendësohet dënimi me kusht”, thonë nga Kabineti i presidentit.

Një arsye tjetër e amnistisë të këtyre personave është edhe mbingarkesa e burgjeve, për shkak se nga pamundësia financiare e një numri të madh të qytetarëve për të paguar me para dënimin, është dashur që dënimin ta vuajnë me burg. Të gjithë të dënuarit me gjobë në parë ose me burg, tashmë dënimet i kanë me kusht.

“Në vetë ligjin është e paraparë që personat që janë të dënuar, të dorëzojnë kërkesë deri te gjykata si mundësi që dënimet e shqiptuara të zëvendësohen me dënime me kusht që do të vlejë për periudhën e ardhshme nëse nuk kryen vepër tjetër penale të llojit të njëjte. Ndërsa ata të cilët tashmë janë duke vuajtur dënimin me burg,  do të lirohen sepse në afat prej 5 ditëve sipas autorizimeve zyrtare do të duhet të sillen vendime për lirimin e tyre”, Asmir Alispahiq, avokat.

Por çka do të ndodhë me ata qytetarë të cilët tashmë kanë paguar dënimin 1000 ose 2000 euro? A do të mund që ata të cilët kanë mbajtur dënimin me burg, me ndryshimet e ligjit të kërkojnë dëmshpërblim për ditët e kaluara në bur?. Avokati Alispahiq tha se asnjë ligj në shtetin tonë nuk ka veprim retroaktiv dhe njëjtë situata është edhe me këtë ligj.

 “Fatkeqësisht, ata të cilët e kanë vuajtur dënimin që i është zëvendësuar me vendim të gjykatës këtu dhe nga gjykatat tjera në vend, ndërsa baza e dënimit ka qenë në para, por nuk e kanë paguar, nuk mund të kërkojnë dëmshpërblim”. Fatkeqësisht jo. Paratë nuk mund t’i kthejnë mbrapsht për arsye të njëjte se ligji edhe në këtë pjesë nuk ka veprim retroaktiv”, tha Asmir Alispahiq, avokat.

Në situatën konkrete, Alispahiq thotë se u është dal në ndihmë kategorive të rënda sociale dhe personave me probleme shëndetësore. Amnistia nuk do të vlejë për subjektet juridike, gjegjësisht për restorantet, qendrat tregtare dhe kompanitë që nuk i kanë respektuar protokollet-kovid.