Amerikanët Milgrom dhe Uilson fitues të Çmimit Nobël për ekonomi për vitin 2020

TË FUNDIT

Ekonomistët amerikanë Poll Milgrom dhe Robert Uilson janë fitues të Çmimit Nobël për ekonomi për vitin 2020 për avancimin e teorisë për ankande dhe inovacion të formateve të reja të ankandeve, kumtoi sot Akademia mbretërore suedeze e shkencave.

“Formati i ri i ankandeve është një shembull i mirë si me hulumtimin e bazave mund në mënyrë shtesë të krijohen shpikje të cilat i shërbejnë shoqërisë”, theksohet në kumtesën e Akademisë.

Çmimi Nobël për ekonomi është në vlerë prej 10 milionë krunave suedeze (1,14 milionë dollarë) dhe nuk është një prej pesë çmimeve burimore të vendosura në vitin 1895 nga shpikësi i dinamitit Alfred Nobel. Çmimi Nobel për ekonomi për herë të parë është ndarë në vitin 1969.

Javën e kaluar në Stokholm janë shpallur laureatët e Çmimit Nobël për mjekësi, fizikë, kimi dhe letërsi, ndërsa në Oslo u shpall fituesi i Çmimit Nobël për paqe.

Çmimin Nobël për mjekësi e fituan dy fitues amerikanë britaniku Majkëll Hoton dhe amerikanët Harvi Alter dhe Çarls Rajs. Roxher Penrouz, Rajnhard Gencel dhe Andrea Gez janë fitues të Çmimit Nobël për fizikë për vitin 2020 për zbulimin e vrimave të zeza.

Francezja Emanuel Sharpantije dhe amerikanja Xhenifer A.Daudna janë laureatët e Çmimit Nobël për kimi për zhvillimin e metodës për modifikimin e gjenomit.

Çmimin Nobël për letërsi këtë vit e fitoi poetja amerikane Lujiz Glik, ndërsa Çmimin Nobël për paqe e fitoi Programi botëror për ushqim të Kombeve të Bashkuara për përpjekjet në luftën kundër urisë dhe mungesës së ushqimit në mbarë botën.

Çmimet tradicionalisht dorëzohen më 10 dhjetor, ditën kur vdiq Nobel (1833-1896), por ceremonia në Stokholm është anuluar për shkak të pandemisë me Kovid-19, ndërsa në Oslo do të mbahet ceremonia në sallën e vogël. fb/

2020-10-12 13:27:39, nga Fortuna Bakija