Universiteti i Tetovës në 26 vjetorin e themelimit, kryetarit të BDI-së dhe deputetit Ali Ahmeti, i ndau çmimin Doctor Honoris Causa. Në fjalimin e tij Ahmeti tha se ky çmim i dedikohet Abdylselam Eminit, si dëshmor i parë i këtij universiteti, si dhe të gjithë atyre që kanë dhënë një kontribut për këtë universitet. Ahmeti gjatë marrjes së çmimit u zotua se do të angazhohet pa u lodhur për ngritjen e cilësisë dhe infrastrukturës në universitetet dhe arsimin tek shqiptarët.
“Unë erdha këtu për të bërë edhe një zotim para shqiptarëve se do të vazhdojë pa u lodhur në ngritjen dhe avancimin e arsimit shqip në rritjen e cilësisë së arsimit shqip, në rritjen e vlerave si dhe infrastrukturën në pajisen e universiteteve, sepse jemi në shekull konkurrent dhe sot vetëm më konkurrencë të fortë mund të ecim përpara”, deklaroi Ahmeti.
Në ceremoninë e ndarjes së çmimit Doctor Honoris Causa para të pranishmëve fjalim mbajtën edhe Kryetari i Kuvendit Talat Xhaferi dhe zëvendëskryeministri i parë Artan Grubi.
Por, para fillimit të ceremonisë të rinjtë e Aleancës për shqiptarët dhe Alternativës përmes një ekspozeje ironizuan ndarjen e këtij çmimi.
“Në ekspozitën prapa nesh me kemi shpalosur disa shkrime akademike si për shembull ‘Si të tërë në Gjermani pa dhunë dhe represion’, metodat dhe pazaret të blerjes së diplomave, po ashtu ne kemi shfaqur edhe disa eksperimente shkencore që ky presoni në fjalë i ka realizuar si rasti ‘Kumanova’ apo ‘Lagja e trimave’ si dhe eksperimenti me rastin ‘Monstra’. Me këtë ne shpalosim këtë titull nderi për nderin që i mungon”, tha Omer Ajdini – ASH.
Universiteti i Tetovës Fadil Sulejmani u themelua në vitin 1994 ndërsa u zyrtarizua në vitin 2004. Ai tani ka 18 fakultete dhe 64 programe Studimore, ndërsa është i disperzuar në disa qytete të Maqedonisë. Titullin Doctor Honoris Causa UT deri më tani u ka ndarë shumë personaliteteve të njohura deri më tani, por është hera e parë që i ndanë një politikani apo një lideri të një partie politike në Maqedoni.