Alec Baldwin do të akuzohet në gjyq për vdekjen e kineastes Halyna Hutchins, e cila u vra në vitin 2021 pasi arma mbështetëse e aktorit qëlloi me municion të drejtpërdrejtë në setin e filmit “Rust”. Vendimi për të paditur Baldwin u njoftua të premten pasi një juri e madhe në New Mexico dëgjoi provat e paraqitura nga prokurorët specialë Kari Morrissey dhe Jason Lewis.
Ai u akuzua për “vrasje të pavullnetshme”. “Ne presim me padurim ditën tonë në gjykatë,”, thanë avokatët e Baldwin, Luke Nikas dhe Alex Spiro, të Quinn Emanuel. Nëse shpallet fajtor, Baldwin mund të përballet me 18 muaj burg. Data e gjyqit ende nuk është caktuar.
“Ne po presim me padurim gjyqin penal, i cili do të përcaktojë nëse ai duhet të dënohet për vdekjen e parakohshme të Halyna,” tha Gloria Allred, avokatja e familjes së Hutchins në një deklaratë të premten.
Në nëntor, NBC News siguroi ekskluzivisht disa video që tregonin Baldwin duke provuar një armë mbështetëse, si dhe duke ndërvepruar me anëtarët e ekipit ndërsa po filmonte skenat për filmin “Rust”.
Pesë videot treguan Baldwin duke u përgatitur për skenat, duke gjuajtur me armë dhe duke vepruar në karakter. Në dy prej tyre, ai përpiqet të riorganizojë anëtarët të ekuipit pasi ka shprehur shqetësime për sigurinë e tyre.
Në tetor, dy burime i thanë NBC News se Baldwin dhe prokurorët specialë kishin diskutuar për një marrëveshjeje për pranimin e fajësisë së tij, por ajo u anulua pak ditë para shpalljes së tyre për të sjellë çështjen përpara një jurie të madhe. Baldwin ka pohuar në intervista me ABC News dhe CNN se ai nuk e tërhoqi këmbëzën dhe se arma u deklarua pa municion të vërtetë, nga ndihmësdrejtori, Dave Halls.
“Ndjej se dikush është përgjegjës për atë që ndodhi. Nuk mund të them se kush është, por e di që nuk jam unë”, tha Baldwin. Nbcnews