Prokurori shtetëror libanez, Gasan Muri sot parashtroi aktakuzë kundër nëpunësve të tanishëm dhe të mëparshëm doganorë në Bejrut lidhur me shpërthimin shkatërrues që e goditi kryeqytetin libanez në gusht, kumtoi agjencia libaneze e lajmeve NNA.
Aktakuzat janë parashtruar kundër përfaqësuesve të doganës në Bejrut, Hani Haj Shehadeh dhe Musa Hazimeh, ish-drejtorë të doganës në Bejrut, për të cilin mediumet supozojnë se është “kontakti kryesor” i Hezbollahut në portin e kryeqytetit libanez. Hazimeh, gjoja, kanë qenë pesë persona për kontakt të Hezbollahut para mbi gjashtë viteve kur ilegalisht ishin deponuar 2.750 tonë amonium nitrat me djegie të lartë në portin e Bejrutit, për çka besohet se ka shkaktuar shpërthimin katastrofal, ku jetën e humbën mbi 200 persona.
Agjencia libaneze thekson se me aktakuzën kundër Shehadeh dhe Hazimeh, numri i personave kundër të cilëve po zhvillohet procedura për shpërthim është rritur në 33, 25 prej të cilëve janë në paraburgim.
Më 4 gusht, në shpërthimin e depos ku ndodhej amonium nitrati, jetën e humbën mbi 200 persona, u lënduan mijëra qytetarë të Bejrutit, përderisa në kryeqytetin libanez u shkaktua dëm material prej rreth disa miliardë dollarëve.