Erlinda Binakaj, 19 vjeçare si dhe e ëma, Valentina Binakaj, 45 vjeçare, janë dy viktimat në mesin e 10 të tjerëve të cilët mbetën të vdekur pas aksidentit të djeshëm në Kroaci. Familja Binkaja, tashmë ka hapur dyert për të gjithë ata që dëshirojnë t’i ngushëllojnë, ndërsa nuk e din akoma se kur do t’i sjellin trupat e pajetë në Kosovë.
Për ta ngushëlluar familjen Binakaj, kishe shkuar edhe kryetari i Gjakovës Ardian Gjini.
Autobusi i kompanisë Deva Tours, është aksidentuar dje në orët e para të mëngjesit duke lenë të vdekur 10 persona, në mesin e të cilëve shoferi edhe 9 pasagjer, ndërsa kanë mbetur të lënduar 44, prej tyre 8 në gjendje të rendë. Sipas raportimeve të mediave kroate thuhet se aksidenti është shkaktuar pasI shoferin e ka marrë gjumi.
Ndërsa, ministri i Punëve të Brendshëm Xhelal Sveçla nga Kroacia ka njoftuar se disa prej udhëtarëve do të nisen për në shtëpitë e tyre në Kosovë dhe disa do të kthehen në Gjermani. Ndërsa, për trupat e viktimave nuk ka dhëne ndonjë përgjigje, pasi sipas tij, kjo varet nga procedurat zyrtare që duhet të kryhen në Kroaci.
Gazetare: Aurela Elshani