A po e ndjejnë qytetarët “çmimin e garantuar”? Ministri Bekteshi inspekton çmimet e reja në markete

Masa “Çmim i garantuar” hyri në fuqi, po sa po e vërejnë qytetarët atë?

Disa prej tyre nuk e ndjejnë aspak, e disa të tjerë e përshëndesin.

-Shumë pak. 1% i ulin, 15% i rrisin kështu që… Tek ne nuk vërehet asgjë, tek ata ndoshta vërehet, tek ata lartë që janë. Ata marrin 80% paga më të larta e pensionistët 6%, sa për qirinjtë për në varreza.

-Nuk ka, pensione të ulëta, sa mundesh të ndash që të kesh gjithçka. Për ilaçe apo për të blerë. Dobët..

A mjafton kjo ulje prej 10% të çmimeve?

-Nuk mjafton, nuk ka shanse! Shihni mesataren e pagave që janë, pensioneve, dhe mund të llogaritni

shporta konsumuese sa është, e ku janë harxhimet tjera për gjithë muajin.

Për të parë se sa tregtarët po e respektojnë masën, Ministri i ekonomisë, Kreshnik Bekteshi doli në terren ku vizitoi qendrën logjistike të një prej zinxhirëve të marketeve dhe një market.  

U shpreh kënaqur se si nga ana e tregtarëve po respektohet vendimi qeveritar për ulje të çmimeve prej së paku 10%. Tregoi se nga java e ardhshme edhe çmimet e pijeve do të ulen prej së paku 10%. Porositi që çdo parregullsi të denoncohet në Inspektoratin e Tregut.

“Unë jam më se i kënaqur nga ajo që dje ndodhi në sektorin e tregëtisë, veçanërisht nga kompanitë duke përfshirë dhe KAM, në përgjithësi nga të gjitha super marketet në shtet. Gjithsesi prodhuesve dhe distributorëve. Dua t’a njoftoj gjithë opinionin se deri më sot, kemi marë disa njoftime nga prodhuesit tanë, në përgjithësi të ujit mineral, të lëngjeve, birrës kristale të cilët nga java e ardhshme do të fillojnë me ulje të çmimeve prej së paku 10%”, theksoi Kreshnik Bekteshi – ministër i Ekonomisë.

Menaxherja e një prej zinxhirëve të markteteve tha që kjo masë do ta ul fitimin, mirëpo duhet të pajtohen me situatën momentale.

“Gjithsesi se fitimi do të ulet, mirëpo situata është e tillë që duhet patjetër të përballemi me momentin e vështirë në vendin tonë. Ne ekzistojmë që të ulim çmimet”, pohoi Tanja Kamçeva, menaxhere.

Përndryshe drejtori i Inspektoratit të Tregut, Goran Trajkovski, paralajmëroi marketet se nëse nuk respektojnë masat e reja, do të dënohen me nga 800 deri në 10 mijë euro gjobë, varësisht prej madhësisë së subjektit. Tregtarët kanë për obligim që t’ë vendosin shenja të posaçme me mbishkrim “çmim i garantuar” tek çdo produkt që është përfshirë në masat e reja të Qeverisë.