A e ndryshoi Shilegovi Shkupin? Nuk dha përgjigje nëse do të kandidohet për kryetar komune!

Petre Shilegov në magazinën debative “Klik Plus” nuk u përgjigj në mënyrë të drejtpërdrejt nëse do të kandidohet sërish për kryetar të Qytetit të Shkupit. Tha se kjo çështje është relevante. Shton se e ka ndryshuar qytetin dhe se sheh dallim në mënyrën e menaxhimit më cilësor.

“E kam nderin apo obligim, për mua personalisht është barrë serioze dhe e madhe, sepse besimin që e ke marrë nuk është diçka e vogël. 140.000 njerëz votuan për Petre Shilegovin dhe thanë se këtij njeriu duhet t’i jepet mundësi për të udhëhequr me qytetin”, tha Shilegov.

Shilegovi mbetet në idenë për ndërtim të tunelit nga Kalaja deri te Çairi.

“Sërish do ta shpallim tenderin për përpunim të projektit. Ne patëm një tender, nënshkruam marrëveshje për realizim, por për fat të keq partneri i cili e mori tenderin doli se nuk është serioz dhe e prishëm marrëveshjen”, shtoi Shilegov.

Ai e promovoi sistemin e ri për transport publik, i cili siç tha, do të mundësojë që çdo 3,5 minutë të ketë nga një mjet udhëtimi në çdo stacion autobusi.

“Autobusët do të lëvizin në linjë të veçantë dhe nuk do të kenë kontakt me pjesëmarrësit e tjerë në komunikacion. Ai sistem do të mundësojë që në çdo 3,5 minutë të keni nga një mjet udhëtimi në çdo stacion autobusi. Shpejtësia e tij operative është 22km në orë”, deklaroi ai.  

Njeriu i parë i Shkupit, theksoi se nuk heq dorë nga projekti për tramvaj në Shkup, i cili do të kushtonte 280 milionë euro. Ai mes të tjerësh tha se do të largohen dy nga tre anijet e vendosura në lumin Vardar.