Plani për rritje dhe agjenda reformuese nuk janë vetëm kusht për integrim, por për shërimin e shoqërisë, porositi kryeministri Hristijan Mickoski. Në debatin përkushtuar reformave të harmonizuara me BE-në, ai theksoi se nuk ka kohë për të humbur dhe se patjetër të vazhdojë lufta kundër korrupsionit, ndërsa ligjet nga agjenda do të sjellin arsim si dhe shëndetësi më të mirë dhe administratë më efikase. Sipas tij, vendimet nuk duhet prolonguar.
“Çdo popull ka momente kur duhet të zgjedh: të mbetet në stagnim komod apo të përballet me nevojën për ndryshime të thella dhe të guximshme. Shteti është pikërisht në një moment të tillë – në udhëkryq mes sistemit të vjetër dhe ardhmërisë së re europiane”, tha Mickoski.
Në fokus janë ligjet reformuese afati i të cilave u vendos për qershorin e këtij viti. Ministri për çështje europiane, Orhan Murtezani i theksoi Ligjet për Prokurorinë publike dhe Këshillin gjyqësori, por vlerësoi se ritmi për disa ligje të caktuara duhet të përshpejtohet që të respektohen edhe afatet e Agjendës. Në të kundërtën, shpresat për ligje në gjyqësor janë në 12 muajt periudhë grejs.
“Reformat atje kërkojnë konsensus më të madh shoqëror, ndërsa kjo do të thotë më shumë kohë për tu harmonizuar. Kjo nuk do të thotë se po vonohet për shkak të koordinimit të pamjaftueshëm, por ato procese sipas natyrës absorbojnë më shumë kohë”, deklaroi Murtezani.
Ambasadorja suedeze Ami Larson Jain rikujtoi se përmes Planit për rritje, Maqedonisë në dispozicion i qëndrojnë mbi 700 miliona euro nëse i plotëson reformat.
“Plani për rritje i BE-së për Ballkanin Perëndimorë është parametër i fuqishëm për aspiratat për ndihmesë të Maqedonisë nga BE”, tha Ami Larson Jain.
Ministri i drejtësisë, Igor Fillkov, për javën e kaluar paralajmëroi konferencë për media ku duhej të shpjegojë deri ku kanë arritur ligjet për gjyqësorin, por e njëjta nuk u mbajt. Puna e tij ishte shënjestër e kritikave nga deputeti Antonio Milloshovski, sipas së cilit Fillkov ka performanca të dobëta dhe ligjet tashmë është dashur të jenë në procedurë parlamentare.