Zonja e Parë e SHBA-së, Melania Trump, ka prezantuar koleksionin e ri të zbukurimeve për Krishtlindjet e vitit 2026, por vëmendjen më të madhe e ka tërhequr çmimi i tyre.
Një prej zbukurimeve, i quajtur “The Starlight Star”, kushton 90 dollarë. Ai është punuar nga bronzi dhe smalti, prodhohet me dorë në SHBA dhe mban nënshkrimin e Melania Trump. Blerësit përfitojnë edhe një objekt digjital koleksionues.
Koleksioni përfshin edhe zbukurime të frymëzuara nga simbole të njohura amerikane, si Statuja e Lirisë, Empire State Building dhe mali Rushmore. Çmimet variojnë nga 75 deri në 90 dollarë.
Edhe pse disa përdorues e kanë vlerësuar dizajnin, shumë të tjerë e konsiderojnë çmimin tepër të lartë për familjet e zakonshme amerikane.
„Është e bukur, por punëtori mesatar amerikan nuk mund ta përballojë“, shkroi një përdorues, ndërsa një tjetër komentoi: „Seriozisht, 90 dollarë? Më mirë po heq dorë“.