Forcat ruse janë tërhequr nga qytetet kyçe lindore të Ukrainës, pas një kundërofensive të suksesshme të ushtrisë ukrainase.
Zyrtarët ukrainas thanë se trupat e tyre hynë në Kupiansk, një qendër jetike e furnizimit për forcat ruse, shkruan BBC.
Ministria ruse e mbrojtjes tha më pas se trupat e saj janë tërhequr nga qyteti i Izyum për t’i lejuar ata “të rigrupohen”.
Gjithashtu, ministria konfirmoi tërheqjen e trupave nga një tjetër qytet kyç, Balaklyia, në mënyrë që të “forcojë përpjekjet” në frontin e Donetsk.
Përparimet e Ukrainës, janë më të rëndësishmet që kur Rusia u tërhoq nga zonat përreth Kievit në muajin prill.
Në fjalimin e tij mbrëmjen e së shtunës, presidenti Volodimyr Zelenski pretendoi se Ukraina kishte çliruar tani 2,000 km katrorë nga pushtuesit rusë.