Bisedimet mes Napolit dhe Romës janë në fazën përfundimtare dhe mediat në Itali shkruajnë që marrëveshja tashmë është arritur, me Kostas Manolas që do të kalojë te Napoli për 36 milionë euro, kurse Amadou Diawara do të transferohet te Roma për 20 milionë euro.
SportItalia raporton që gjithçka rreth kësaj marrëveshjeje do të kompletohet brenda kësaj jave.
Tani me Manolas në mbrojtje i cili do të luajë përkrah Kalidou Koulibaly, Napoli do të ketë një prej mbrojtjeve më të mira në Serie A, derisa skuadra nga jugu i Italisë do të tentojë ta rrëzojë nga froni Juventusin, i cili tash e tetë vite dominon në kampionatin italian.