54 vjeçarja për një ditë u bë frymëzim në TikTok

TikTok ka një tjetër yll të ri. Emri i saj është Trinidad Sandoval.

Ajo është një grua 54-vjeçare nga Misuri, e cila ka lënë miliona njerëz me gojë hapur pasi postoi rezultate para dhe pas përvojës së saj duke përdorur një krem me efekte të menjëhershme për largimin e qeseve rreth syrit.

Në një klip të shkurtër, ajo demonstron se si e përdor produktin nën njërin prej syve të saj.

Pasi bëri videon për më pak se dy minuta, është shumë e qartë të shihni një ndryshim të dukshëm midis zonës nën sy. Ana ku ajo aplikoi produktin duket më e lëmuar dhe e ngritur, transmeton rtv21.tv.

“Nuk e di nëse na lejohet ta bëjmë këtë në TikTok, por thjesht doja ta ndaja këtë sekret me ju”, tha ajo në fund të klipit të shkurtër.

Sandoval nuk mendoi se postimi i saj do të bëhej video më e popullarizuar në rrjetet sociale.

Që nga postimi, videoja e Sandoval është parë më shumë se 23.8 milionë herë, së bashku me mbi 112.000 komente.

Sandoval tha se nuk do ta kishte ndarë kurrë postimin nëse do ta dinte se ishte publike, pasi pasiguria e saj më e madhe janë sytë e saj. Pasi iu nënshtrua një operacioni për humbje peshe mbi një dekadë më parë, ajo tha se filloi të shihte “qese” nën sytë e saj në mënyrë më të dukshme./21Media