Gjendja nëpër çerdhe është e mirë dhe nën kontroll si dhe tani për tani nuk mendojmë për mbylljen e tyre – deklaroi ministrja për punë dhe politikë sociale, Jagoda Shahpaska. Sipas ministres, nga momenti i hapjes së çerdheve më 9 shtator deri më tani, gjithsej 26 fëmijë dhe 83 të punësuar nëpër çerdhe kanë rezultuar pozitiv.
“Duke ndjekur dinamikën e rasteve të fundit pozitive, është evidentuar rritje e numrit të rasteve pozitive, si te fëmijë ashtu edhe te të punësuarit nëpër çerdhe. Siç po zhvillohet gjendja epidemiologjike me Kovid-19 në vend dhe nga këtu numri nga java e fundit prej me 17 deri me 25 tetor, kemi 9 fëmijë pozitiv dhe 40 të punësuar. Për momentin 482 fëmijë dhe rreth 77 të punësuar janë në izolim”, deklaroi Jagoda Shahpaska – Ministre për Punë dhe Politikë Sociale.
Ministrja konfirmoi se gjendja e tyre shëndetësore është e mirë, ndërsa në periudhën e kaluar vetëm një fëmijë dhe një edukatore janë hospitalizuar.
“Ministria për punë dhe politikë sociale po i mbledh raportet ditore nga ato javore dhe çdo të premte e dërgon në Komisionin për sëmundje ngjitëse, me qëllim që ata të kenë parasysh gjendjen nëpër çerdhe, si dhe në raport të propozimit të masave të reja”, theksoi ministrja për Punë dhe Politikë Sociale, Jagoda Shahpaska.
Shahpaska shtoi se kapaciteti i çerdheve nuk është plotësuar për shkak se në përputhje me protokollet, ka 20 718 vende, ndërsa vetëm 10 700 fëmijë vizitojnë çerdhet, duke shtuar se ka prindër që i regjistrojnë fëmijët e tyre por nuk i dërgojnë në çerdhe.