470 mln euro për pakon e katërt, opozita rebalancin e buxhetit e vlerëson si të keqkonceptuar

TË FUNDIT

Kinë, gjenden gjurmë virusi në paketimet në Dongguan

Autoritetet shëndetësore në qytetin Dongguan, në provincën kineze të Guangdong, zbuluan se dy kampionë të paketimeve ushqimore...

Bajden prezanton ekipin që është gati “të udhëheqë botën”

Presidenti i zgjedhur amerikan, Joe Biden ka prezantuar të martën ekipin e tij për siguri kombëtare, i...

15 viktima dhe 1039 të infektuar me virusin korona

Ministria e Shëndetësisë, informoi se gjatë 24 orëve të fundit nga 3143 testime të realizuara. 1039 persona...

Vendi ku nuk do të mund të hysh pa u vaksionuar kundër Covid-19

Australia do t’u kërkojë personave që do të duan të hyjnë në territorin e saj të jenë...

Osmani: Frankofonia është vlerë e shtuar në mozaikun multikulturor të RMV-së

Ministri i Punëve të Jashtme të Republikës së Maqedonisë së Veriut, Bujar Osmani sot pati fjalim hyrës...

Kuvendi filloi debatin për rebalancin e buxhetit. Përmes tij parashihen që 470 milionë euro të ndahen për pakon e katërt të masave ekonomike për përballje me pasojat nga virusi korona. 70 milionë euro do të jenë për subvencionohen të 250 mijë rrogave për muajt tetor, nëntor dhe dhjetor.

“4,3 miliardë denarë për mbështetje financiare për pagesën e rrogave të të punësuarve në sektorin privat, nga 14,500 denarë deri në 21,776 denarë, për kompani që kanë rënie më të madhe të të ardhurave si pasojë e pandemisë. 1,6 miliardë denarë mbështetje financiare për kategoritë e ndjeshme të goditura nga COVID-19 për pagesë për produktet dhe shërbimeve vendore në sektorët e goditur. 412 milionë denarë për mbështetje të prodhuesve, përpunuesve dhe eksportuesve të rrushit”, theksoi Fatmir Besimi, ministër i Financave.

Opozitarja VMRO-DPMNE vlerëson se rebalanci i paraparë nuk do të japë rezultatet e pritura. Deputeti Bojan Stojanoski e quan jozhvillimor dhe keq i konceptuar që do ta shtyjë vendin në krizë edhe më të madhe financiare dhe ekonomike.

“Do t’i përmend ato kartelat tuaja të preferuara që janë metodë për ryshfet institucional që deri më tani ka funksionuar te Qeveria edhe pse në thelb ato kartela duhej të kishin 3 qëllime tjera, që asnjëra nuk u plotësua, por u përmbush njëra, ryshfeti institucional i qytetarëve. Tani të njëjtat kartela janë zvogëluar nga 9 mijë në 6 mijë denarë, me fokus kryesor për njerëzit që marrin pension më pak se 15 mijë denarë”, pohoi Bojan Stojanoski, VMRO-DPMNE.

Kanë dorëzuar 188 amendamente, prej të cilave vetëm 71 kaluan në komision, e u pranuan 9. Nga ana tjetër, amendamentet e opozitës shqiptare hasën në vesh të shurdhër, tha deputeti i koalicionit “Tash është koha” Syrja Rashidi.

“Gjatë shqyrtimit të buxhetit është fakti se aty dalin të gjitha të palat dhe nevojat që kanë qytetarët dhe vendbanimet tona. Të gjitha tregimet dhe përrallat me mbret se këtu gjithçka është në rregull, duken pikërisht gjatë debatit në Komisionin për financa dhe buxhet”, pohoi Syrija Rashidi nga koalicioni ASH-AAA.

Konform Rregullores debati zgjat pesë ditë pune. Të hyrat e përgjithshme me ndryshimet në Buxhet për vitin 2020 janë planifikuar në nivelin prej 196.3 miliardë denarë. Shpenzimet e përgjithshme janë planifikuar në nivelin prej 252.8 miliardë denarëve, rreth 13 miliardë denarë më shumë se Buxheti fillestar para krizës së pandemisë. Bazuar në të hyrat dhe shpenzimet e planifikuara, deficiti pozicionohet në vlerë prej 56.5 miliardë denarëve, gjegjësisht 8.5 për qind e BPV-së. 

  • Tags
  • 2

TË NGJAJSHME