40 vite pritje, që të mos bëhet! Kërçovarët të habitur me vendimin e Qeverisë për Spitalin

Kështu duket nga brenda spitali i ri i Kërçovës, i cili siç tha kryeministri Hristijan Mickoski, nuk do të ndërtohet sepse më lirë iu del të ndërtojnë një të ri në lokacion tjetër.

Siç mund ta shihni spitali, që ka nisur të ndërtohet para 40 vitesh, është i lyer jashtë dhe pothuajse gati edhe brenda. Janë të vendosura kabllot e rrymës, sistemi ventilimi, ujësjellësi, sistemi ngrohjes dhe tablotë e gipsit gati për t’u lyer.

Në këtë spital deri më tani, sipas informacioneve tona, janë investuar rreth 5 milionë euro.

Pas deklaratës së fundit se spitali nuk ndërtohet, u bë një bujë e madhe në Kërçovë. Qytetarët nuk besojnë se do të ndërtohet spital tjetër, por habiten se si po hiqet dorë nga ky objekt, pak para përfundimit.

Spitali ka filluar të ndërtohet rreth viteve 1985-88 dhe që atëherë kanë kaluar 18 ministra të shëndetësisë që po ashtu kanë premtuar përfundimin. Pritjet dhe premtime të tilla kishte edhe nga qeveria aktuale, por javë më parë kryeministri Mickoski tha se nuk do të përfundohet bëhet sepse nuk i plotëson kushtet e një spitali të mirëfilltë dhe premtoi spital tjetër në një lokacion tjetër.