Të paktën 40 persona, përfshirë edhe nxënëse, humbën jetën ndërsa 48 të tjerë u plagosën pasi një shkollë fillore për vajza në qytetin Minab, në provincën jugore iraniane Hormozgan, u godit nga sulme izraelite, raportoi agjencia Anadolu.
Sipas transmetuesit shtetëror iranian IRIB, duke cituar një zyrtar provincial, objekti arsimor ishte në shënjestër të sulmeve të kryera më herët gjatë ditës. Autoritetet nuk kanë bërë publike detaje të tjera lidhur me rrethanat e sulmit.
Më herët gjatë ditës, Shtetet e Bashkuara dhe Izraeli nisën një operacion të përbashkët kundër Iranit, duke deklaruar se synimi i tyre është eliminimi i “kërcënimeve” që, sipas tyre, paraqiten nga autoritetet iraniane.
Kryeministri izraelit Benjamin Netanyahu dhe presidenti amerikan Donald Trump publikuan deklarata me video, ku lanë të kuptohej edhe mbështetje për përpjekje drejt ndryshimeve në udhëheqjen e Teheranit.
Irani i cilësoi sulmet si shkelje të sovranitetit të tij, paralajmëroi kundërpërgjigje dhe ndërmori sulme hakmarrëse.
Këto zhvillime ndodhën në një kohë kur Omani po ndërmjetësonte bisedime mes Uashingtonit dhe Teheranit për programin bërthamor iranian, me raundin e fundit të zhvilluar të enjten në Gjenevë.