4 të vdekur dhe 52 raste të reja me koronavirus në Maqedoninë e Veriut

TË FUNDIT

Ministria e Shëndetësisë informon se në 24 orët e fundit janë regjistruar 52 raste të reja me COVID-19. 26 janë nga Shkupi, 9 nga Tetova, 7 nga Shtipi, 6 nga Kumanova, 2 nga Struga, 1 nga Velesi dhe 1 nga Koçani. Këto raste janë zbuluar nga 661 teste të bëra në total.  

Kanë ndërruar jetë 4 persona. Në Spitalin Infektiv në Shkup ka vdekur një 73 vjeçar nga Shkupi, i shtruar në spital më 21 maj dhe një 82 vjeçar nga Velesi, i hospitalizuar më 22 maj. Në Spitalin “8 shtatori” ka ndërruar jetë një 76 vjeçare nga Shkupi i pranuar në spital më 21 maj dhe një paciente nga Tetova e moshës 55 vjeçare, e hospitalizuar më 27 maj.

Nga Ministria e Shëndetësisë informojnë po ashtu se sot Instituti për Shëndet Publik ka regjistruar 30 të shëruar, 16 nga Shkupi, 10 nga Tetova, 2 nga Ohri, 1 nga Velesi dhe 1 nga Kratova.

Që nga fillimi i pandemisë në Maqedoni janë regjistruar 2129 të prekur nga virusi COVID-19, nga të cilët 126 kanë vdekur, 1516 janë shëruar ndërsa janë 487 raste aktive./TV21