Biznesi i veturave me qira në Maqedoni vazhdon të punojë me humbje për gjashtë muaj rrjesht të pandemisë. Nga Shoqata e veturave me qira thonë se për 85 % numri i të interesuarve për vetura me qira ka rënë ndërsa 40 % e veturave kompanitë nuk i kanë regjistruar për shkak se nuk ka interesim.
Ramadan Idrizi, kryetari i shoqatës së veturave me qira thotë se ata në vit nga ky biznes shtetit i sjellin fitim prej 20 milionë dollarë që këtë vit nuk i kanë.
“Edhe pse aeroporti ëhstë i hapr biznesi jonë funksionin me 10 deri më 15%, ne si bashkësi biznesi të veturave me qira në vit blejmë rrethë 1 mijë vetura të reja gjë që nuk ndodhi sivjet. Dhe puna është zero për shkak se biznesi jonë shteit i sjell mbi 20 milionë dollarë në vit të cilat kët vit nuk i ka. Deri më tash çdo kompani 40% të veturave nuk i ka regjistruar dhe bëjmë plane disa punëtorë t’i pushojmë nga puna për shkak se nuk ka punë”, tha Ramadan Idrizi- kryetar I SHVQ
Nga kjo shoqatë kërkojnë që shteti t’i përkrahë duke u ndihmuar në rrogat e punëtorëve, heqjen e interesit për kreditë që i kanë dhe dhënien e kredive pa interes.
“Qeveria mund të na japë kredi pa interes, mund të na japë mjete për rrogat e punëtorëve, mund të na mundësoje që bankat ti heqin kamatat mos llogaritet kamata në aunitete që ne duhet në vazhdimësi ti paguajmë, e për kreditë që i pezullojnë bankat neve na llogarisin kamata”, u shpreh Ramadan Idrizi- kryetar I SHVQ
Deri më tani vetëm Aeroporti i Shkupit u ka dalë në ndihmë duke ua hequr për 85% qiranë për tre muajt e karantinës dhe 50% të pagesës së qirasë për periudhën e tanishme. Biznesi i veturave me qira llogaritet se deri më tani ka humbje prej 4 milion eurosh. Mos ardhja e mërgimtarëve dhe mos funksionimi i aeroportit për disa muaj ka bërë që ky biznes të ketë humbje të mëdha sikurse edhe shumë biznese të tjera.