3 ditë pasi u rihapën çerdhet, izolohen 5 fëmijë dhe 5 të punësuar që kanë pasur kontakte me të infektuarën

Sa u bënë 3 ditë që u hapën çerdhet, menjëherë paraqiten dy raste të të punësuarve të infektuar me korona virus. Në rastin e parë bëhet fjalë për të punësuar në kopshtin “Majski Cvet” – Manastiar, ndërsa rasti tjetër është në kopshtin “Rade Jovçevski-Korçagin” në Shkup.

-Nga Komisioni për Sëmundje Infektive është realizuar kontakt me prindërit e fëmijëve dhe janë izoluar vetëm fëmijët nga ai grup. Në pajtim me vlerësimet e tyre, nuk ka rrezik për grupet tjera nga objekti dhe ata mund të vazhdojnë me punë dhe pranimin e fëmijëve. Në pajtim me udhëzimet e komisionit, në izolim shtëpiak janë edhe pesë të punësuar të tjerë në kopshtin e njëjtë, deri më 17 shtator, që nga kontakti i fundit me të punësuarën e infektuar në kopësht,-thonë nga Ministria e Punës dhe Politikës Sociale.

Në rastin e dytë bëhet fjalë për një të punësuar në çerdhen “Rade Jovçevski Korçagin” në Shkup e cila nga 9 shtatori nuk ka shkuar në vendin e saj të punës dhe nuk ka kontaktuar me fëmijë.

-Në pajtim me rekomandimin e epidemiologëve, ku është paraqitur rasti, nëse deri të dielën 13 shtator nuk paraqiten punëtorë me simptoma objekti mund të vazhdojë të punojë normal nga e hëna,- thonë nga Ministria e Punës dhe Politikës Sociale.

Disa ditë para se të hapeshin çerdhet, ministri i Shëndetsisë dhe ministrja e Punës dhe Politikës Sociale thanë se nuk është e nevojshme që të bëhet testim ose skrining i dytë i të punësuarve ne çerdhe.

“Nga përvoja e deritanishme me pandeminë me koronavirusin ka treguar se këto teste nuk do të thotë që nëse kujdestarja ose edukatorja sot janë negativ me koronavirus dhe nesër nuk do të jetë pozitiv. Testimet nuk janë më të nevojshme në situatën që jemi, kështu janë vlerësimet nga ana e kompetentëve,”- pohoi Jagoda Shahpaska, ministre e Punës dhe Politikës Sociale.

“Tani në këtë situatë vlerësoj se është i mjaftueshëm algoritmi nëpër të cilën lëvizin epidemiologët dhe respektimi i detyrueshëm i masave preventive si një formë universale për parandalimin e shpërndarjes së virusit,“-deklaroi Venko Filipçe, ministër i Shëndetësisë.

Nga ministria, potencojnë se po merren të gjitha masat për dezinfektimin e objektit dhe hapësirës në kopësht. Gjithashtu sot ka rezultuar pozitive edhe një e punësuar në çerdhen “Rahilka Goneva” në Sveti Nikollë. Mirëpo çerdhja nuk ka filluar fare me pranimin e fëmijëve. Udhëheqësja e çerdhes po pret që epidemiologët të vlerësojnë pasqyrën e përgjithshme epidemiologjike, para se të fillojnë me pranimin e fëmijëve.