Ministrja e Financave, Gordana Dimitrieska-Koçoska, në një postim në profilin e saj në Facebook, tregoi se nga 250 milionë eurot e siguruara përmes kredisë së favorshme nga Banka Hungareze për Eksport dhe Import, deri tani 239 milionë euro janë plasuar në kompanitë vendore. Sipas saj, këto mjete kanë nxitur investime në sektorin privat, rritje të prodhimit, punësime të reja dhe konkurrueshmëri më të madhe të kompanive. Në postim, ministrja thotë se kreditimi korporativ gjatë periudhës së zbatimit të masës është rritur mesatarisht me 15 për qind në vit, ndërsa rritja e ekonomisë në tremujorin e parë të vitit 2026 ka arritur në 3,1 për qind. Ajo thekson se tregues pozitivë janë vërejtur edhe te eksporti, prodhimi industrial dhe punësimi, duke vlerësuar se Qeveria do të vazhdojë me masa për rritjen e investimeve dhe zhvillimin e kompanive vendore.
239 milionë euro të plasura për kompanitë vendore! Dimitrieska-Koçoska: Mbështetja për biznesin është investim në rritje
TË FUNDIT
