Nëpër spitalet në vend dhe jashtë vendit për momentin po kurohen gjithsej 162 pacientë, të lënduar nga zjarri në diskotekën Puls në Koçan. Dje u lëshuan tre ndërsa dhjetë nga të lënduarit që shëroheshin në vend do të lëshohen për mjekim shtëpiak. Nga të gjithë pacientët, përveç një i cili është në Turqi dhe është në gjendje serioze, të tjerët janë në gjendje serioze por të qëndrueshme, njoftoi ministri i shëndetësisë Arben Taravari.
“Numri i pacientëve që mjekohen momentalisht është 162. Lajmi i mirë, që dua ta ndaj sot është se 10 nga pacientët e hospitalizuar në vendin tonë do të lëshohen në shtëpi. Apo dje kishte tre pacientë që i lëshuam. Nga të gjithë pacientët, përveç njërit në Turqi, që është në gjendje serioze megjithatë stabile”, tha Taravari.
Tashmë nuk do të dërgohen pacientë jashtë vendit, ndërsa të gjithë që shërohen këtu janë stabil, tha Taravari. Për momentin 115 pacientë janë jashtë vendit në 14 vende të huaja. Në Serbi mjekohen 30 pacientë, në Bullgari 15, në Greqi 12. Në spitalet në Turqi janë 12 pacientë, në Spanjë 7, Austri 6, Hungari 6, Kroaci 5. Në Slloveni, Lituani, Belgjikë, Itali, Suedi janë nga 4 pacientë ndërsa në Poloni, 2.
Në 14 vende të huaja mjekohen 115 pacientë
Serbia 30
Bullgaria 15
Greqia 12
Turqia 12
Spanja 7
Austria 6
Hungaria 6
Kroacia 5
Sllovenia 4
Lituania 4
Belgjika 4
Italia 4
Suedia 4
Polonia 2
Shtabi i krizës do të përgatisë protokolle për kthimin e pacientëve nga vendet e huaja të cilët janë në gjendje të mirë. Tani do të ballafaqohemi me infeksione, andaj duhet të jemi të kujdesshëm, theksoi Taravari.
Kurimi i pacientëve jashtë vendit 99% është falas, nuk ka nevojë që të mblidhen para, akomodimin dhe shpenzimet rrugore i pagoi qeveria, theksoi ministri.
Drejtori i shërbimit për punë të përgjithshme dhe të përbashkëta të qeverisë, IvicaTomovski në intervistë për TV21 tha se janë ndarë 30 milionë denarë SHPPP dhe se qeveria do t’i mbulojë shpenzimet për të lënduarit që shërohen jashtë Maqedonisë.
“Deri më tani është siguruar akomodim për 142 persona dhe karta avioni. Janë shpenzuar fillimisht rreth 3,5 milionëdenarë. Por po them fillimisht, për shkak se nuk e dimë se sa kohë do të nevojitet për mjekim, deri kur do të mjekohen. Por duhet ta dinë se plotësisht dhe në mënyrë maksimale se gjithçka që do të dalë si shpenzim do të mbulohet nga Qeveria e Republikës së Maqedonisë”, tha Ivica Tomovski.
Tomovski theksoi se numri i telefonit 070 270 370 është i qasshëm për 24 orë për ndihmë të familjeve, fëmijët e të cilëve shërohen jashtë vendit. Kryqi i kuq njoftoi se deri më tani janë grumbulluar mbi 43 milionë denarë ose mbi 700 mijë euro për ndihmë të të lënduarve në zjarrin në Koçan.