Federate Evropiane e Futbollit ka dënuar ekipin kroat Hajduk për shkak të mbajtjes së pankartave ku përmendet “Stuhia”(Oluja) gjatë ndeshjes me ekipin norvegjez Stromsgodset.
Klubi nga Spliti është gjobitur me 40 mijë euro, ndërsa në sqarimin që u erdhi në klub bëhet me dije se duhet të paguhet për shkak të gjuajtjes së mjeteve piroteknike dhe pankartave politike.
Kundër Hajdukut ishte paraqitur kërkesë dhe për racizmin , për shkak të pankartës kushtuar operacionit “Stuhia” që është karakterizuar si jo sportiv. Në pankartë shkruante: ” Me ‘Stuhinë’ kemi çliruar atdheun. Tifozët e stuhisë do ta çlirojnë futbollin kroat. Veteranët e luftës dhe miqtë”.