Australia për disa ditë do t’iu bashkohet sulmeve ajrore të forcave të koalicionit ndaj caqeve të ISIS-it në Siri si dhe do të pranojë 12 mijë refugjatë nga Lindja e Mesme.
Kryeministri i Australisë Toni Abot ka bërë të ditur se qeveria e tij do të ndajë 44 milionë dollar australianë në mënyrë që refugjatë nga Siria dhe Iraku të mund të qëndrojnë në kampet e refugjatëve në Jordani, Liban dhe Turqi.
Qeveria e Australisë “vepron me zemër” që t’u ndihmojë dhjetëra mijëra njerëzve që ikin nga konflikti, ka thënë Abot.