А i kontrolloni çmimet online? Qytetarët presin që kontrollin ta bëjnë institucionet

Që para një jave hyri në fuqi obligimi që marketet, barnatoret dyqanet e teknikës dhe mobileve t’i publikojnë çmimet e produkteve të tyre në ueb faqe. Çmimet duhet të jenë të disponueshme pa pasur nevojë për regjistrim ose hyrje shtesë, me qëllim që qytetarët të kenë qasje të lirë, por sa realisht ata hynë në ueb për t’i kontrolluar?

-Jo, jo online nuk shoh!

Pse?

-Nuk e di, ashtu jam mësuar, gjithmonë shpejtoj për diçka dhe ajo… Jo!

-Shkoj thjesht bëj pazar, tregohet në rafte dhe e marr, a është shumë a është pak të njëjtat produkte në kompani të ndryshme në markete çmimi është ndryshe.

-Është një lloj kontrolli në inspektim a bëhet me të vërtetë apo po devijon prej saj dhe duhet kontroll, shumë inspektime kontrolli, d.m.th në gjithçka. Edhe te ushqimi po kalon afati, të mos ketë ushqime që u kalon afati që fshihen pas ose diçka ashtu dhe njeriu do ta merr, dhe asaj i ka kaluar afati, e kthejnë kuptohet por duhet edhe ajo të kontrollohet.

Nesër Inspektorati i Tregut do të duhet të dalë me të dhënat e para për atë se sa tregtarët e vegjël, të mesëm dhe të mëdhenj që kryejnë veprimtari tregtare me pakicë e kanë respektuar vendimin për publikimin online të çmimeve, më saktësisht çmimin aktual të shitjes, çmimin për njësi, çmimi promocional ose me zbritje. Është paralajmëruar që mosrespektimi i vendimit mund t’u kushtojë tregtarëve me gjoba deri në 10 mijë euro.