Zjarri në Pasjak ka përfshirë një pjesë të shtëpive, është evakuuar popullata

Pas orës 14 këtë pasdite, ka shpërthyer sërish zjarri në lagjen Pajsak në fshatin Nov Istevnik të Dellçevës. Edhe pse helikopterët e Armatës e shuan këtë mëngjes, për shkak të erës zjarri tashmë kishte përfshirë shtëpitë në pjesën e sipërme të fshatit. Në terren bëhet vizitë me traktor, ku është më i theksuar zjarri, dhe ndërkohë popullata është evakuuar në pjesët e poshtme të fillimit të fshatit.

Në terren janë zjarrfikësit nga Dellçeva, Berova, Makedonska Kamenica, pjesëtarë të Armatës, popullata lokale, vullnetarë, Ekonomia pyjore që marrin pjesë në lokalizimin e tij. Situata është alarmante. Për momentin, gjëja më e rëndësishme sipas pjesëmarrësve në shuarje është kyçja e traktorëve.

Banorët që takuam thonë se digjet gjithë ditën, ndërsa rreth orës 15 ka marrë hov më shumë. Pamja është e frikshme. Banorët pranojnë të përfshihen me traktorët në aksionin e shuarjes, sepse të gjithë janë në panik.