Në mesditë një pjesë e madhe e arave të Vizbegut u kaplua nga zjarri.
Pothuajse gjatë tërë ditës zjarrfikësit me gjashtë kamion luftuan me flakët për të ndaluar shpërndarjen e tyre në hapësirat ku gjenden shtëpitë.
Komandanti i zjarrfikësve thotë se zjarri ishte ndezur në disa lokacione, por për fat të mirë e kanë lokalizuar.
Pak më poshtë se arat e mbjella, aty pranë gjendet deponia. Edhe aty kishte filluar zjarri. Zjarrfikësit ishin ende në teren dhe po mundoheshin që të lokalizojnë zjarrin.
Kjo nuk është hera e parë që digjet kjo deponi në këtë vend.
Para disa javëve TV21 raportoi për këtë deponi e cila po ua rrezikon jetën banorëve të këtij vendi, meqenëse pak metra më poshtë ka edhe shtëpi të banueshme.