Pasi i ndërpreu pushimet, edhe sot kryeministri Zoran Zaev doli në terren për të parë gjendjen me zjarret.
Edhe sot ishte në Budinarcë, fshat në komunën e Berovës, që të premten mbrëma ishte njëri nga më të rrezikuarit nga zjarri. Tani gjendja është stabilizuar dhe zjarri është lokalizuar.
“Unë isha në pushim 3 ditë dhe jam kthyer, meqenëse e ndjeva që qytetarët duan të më shohin këtu.
Sistemi po funksionon ashtu siç tha edhe drejtori për menaxhim me kriza, koordinimi po bëhet me telefon, qytetarët presin që kryeministri të jetë kryeministër dhe të koordinojë sistemin në gjendje krize”, tha Zaev.
Në Budinarcë dje ishte shkoi edhe kreu VMRO-DPME-së Hristijan Mickoski, solli një kamion me ndihma.
Ai sot tha se nuk duan të bëjnë marketing ose politikë ditore dhe se do të ndihmojnë atje ku është nevoja.
“VMRO-DPMNE është në teren, ashtu siç thash mbrëmë, nga kjo nuk do të bëjë politikë ditore dhe nuk do ta politizojmë dhe nuk do të bëjmë marketing ne jemi parti popullore dhe ne jemi atje ku është nevoja me të gjitha resurset që i kemi do të ndihmojmë”, tha Mickovski.
Drejtori për Menaxhim me Kriza, Stojançe Angellov, tha se helikopterët që kishin ardhur për ndihmë nga Serbia, sot janë nisur drejt Athinës, ku situata është më kritike.
“Resurset tjera janë mjaftueshëm, në teren kemi mjaftueshëm ekipe kundër zjarrit”, tha Angellov.
Ai tha se zjarre aktive ka në Prilep, në fshatin Dren dhe Smolan. Në Veles në fshatin Xhimirc, në rajonin e Shkupit në fshatin Krushë dhe fshatin Divjë. Në rajonin e Sarajit është aktivizuar zjarri në Raoviç dhe në fshatin Bukoviç. Zjarre sërish ka në Nagoriç të Vjetër si dhe në fshatin Lubin dhe Dernak. Gjendja, siç tha, është tërësisht nën kontroll është në rajonin e Berovës, për të cilin theksoi se asnjë vend e asnjë njeri nuk është rrezikuar.