Zjarre dhe tenda të djegura para qendrës për refugjatë dhe emigrantë në ishullin grek Samos

Tërësisht u dogjën disa tenda në rrethinën e qendrës për pranim të refugjatëve dhe emigrantëve në ishullin grek Samos në zjarret që për shkaqe të panjohura shpërthyen mbrëmë dhe gjatë natës, bënë të ditur mediet lokale.

Në zjarrin e parë, sipas organizatës joqeveritare “Mjekë pa kufij”, janë djegur tenda dhe afro 100 persona mbetën në rrugë, ndërsa pak më vonë shpërthyen edhe të paktën dy zjarre gjithashtu në rrethinën e qendrës për pranim.

Nga “Mjekë pa kufij”, përmes rrjeteve sociale bënë të ditur se po iu ndihmojnë refugjatëve dhe emigrantëve dhe rishtazi, gjatë natës ishin vendosur tenda.

A fire broke out in #Vathy camp, #Samos an hour ago leaving around 100 people without shelter. MSF teams are close to the camp & ready to offer medical care & psychological support to those affected by the fire. We cannot confirm any information regarding the cause of the fire. pic.twitter.com/oVQKS0eEyD

— MSF Sea (@MSF_Sea) April 26, 2020

Portali informativ “Samos24” pak para mesnate bëri të ditur se janë evakuuar disa refugjatë dhe emigrantë, ndërsa sipas medieve lokale nga ishujt, disa nga azilkërkuesit natën e kishin kaluar në terrenin e improvizuar të futbollit.

Në qendrën e pranimit, përveç Shërbimit zjarrfikës, i cili kishte intervenuar në shuarjen e zjarrit, kishte prani të madhe edhe të policisë.

Shkaqet e zjarrit deri më tani nuk dihen, e as se a ka refugjatë dhe emigrantë të lënduar.

Në qendrën e pranimit për regjistrim të refugjatëve dhe emigrantëve në Samos, me kapacitet që të pranojë 648 persona, janë vendosur mbi 6.800 azilkërkues./MIA